चौपाई
सीता सचिव सहित दोउ भाई। सृंगबेरपुर पहुँचे जाई।।
उतरे राम देवसरि देखी। कीन्ह दंडवत हरषु बिसेषी।।
लखन सचिवँ सियँ किए प्रनामा। सबहि सहित सुखु पायउ रामा।।
गंग सकल मुद मंगल मूला। सब सुख करनि हरनि सब सूला।।
कहि कहि कोटिक कथा प्रसंगा। रामु बिलोकहिं गंग तरंगा।।
सचिवहि अनुजहि प्रियहि सुनाई। बिबुध नदी महिमा अधिकाई।।
मज्जनु कीन्ह पंथ श्रम गयऊ। सुचि जलु पिअत मुदित मन भयऊ।।
सुमिरत जाहि मिटइ श्रम भारू। तेहि श्रम यह लौकिक ब्यवहारू।।
दोहा/सोरठा
सुध्द सचिदानंदमय कंद भानुकुल केतु।
चरित करत नर अनुहरत संसृति सागर सेतु।।87।।
चौपाई
यह सुधि गुहँ निषाद जब पाई। मुदित लिए प्रिय बंधु बोलाई।।
लिए फल मूल भेंट भरि भारा। मिलन चलेउ हिंयँ हरषु अपारा।।
करि दंडवत भेंट धरि आगें। प्रभुहि बिलोकत अति अनुरागें।।
सहज सनेह बिबस रघुराई। पूँछी कुसल निकट बैठाई।।
नाथ कुसल पद पंकज देखें। भयउँ भागभाजन जन लेखें।।
देव धरनि धनु धामु तुम्हारा। मैं जनु नीचु सहित परिवारा।।
कृपा करिअ पुर धारिअ पाऊ। थापिय जनु सबु लोगु सिहाऊ।।
कहेहु सत्य सबु सखा सुजाना। मोहि दीन्ह पितु आयसु आना।।
दोहा/सोरठा
बरष चारिदस बासु बन मुनि ब्रत बेषु अहारु।
ग्राम बासु नहिं उचित सुनि गुहहि भयउ दुखु भारु।।88।।
चौपाई
sītā saciva sahita dōu bhāī. sṛṃgabērapura pahuomcē jāī..
utarē rāma dēvasari dēkhī. kīnha daṃḍavata haraṣu bisēṣī..
lakhana sacivaom siyaom kiē pranāmā. sabahi sahita sukhu pāyau rāmā..
gaṃga sakala muda maṃgala mūlā. saba sukha karani harani saba sūlā..
kahi kahi kōṭika kathā prasaṃgā. rāmu bilōkahiṃ gaṃga taraṃgā..
sacivahi anujahi priyahi sunāī. bibudha nadī mahimā adhikāī..
majjanu kīnha paṃtha śrama gayaū. suci jalu piata mudita mana bhayaū..
sumirata jāhi miṭai śrama bhārū. tēhi śrama yaha laukika byavahārū..
चौपाई
yaha sudhi guhaom niṣāda jaba pāī. mudita liē priya baṃdhu bōlāī..
liē phala mūla bhēṃṭa bhari bhārā. milana calēu hiṃyaom haraṣu apārā..
kari daṃḍavata bhēṃṭa dhari āgēṃ. prabhuhi bilōkata ati anurāgēṃ..
sahaja sanēha bibasa raghurāī. pūomchī kusala nikaṭa baiṭhāī..
nātha kusala pada paṃkaja dēkhēṃ. bhayauom bhāgabhājana jana lēkhēṃ..
dēva dharani dhanu dhāmu tumhārā. maiṃ janu nīcu sahita parivārā..
kṛpā karia pura dhāria pāū. thāpiya janu sabu lōgu sihāū..
kahēhu satya sabu sakhā sujānā. mōhi dīnha pitu āyasu ānā..
