चौपाई
राम लखन सिय रूप निहारी। कहहिं सप्रेम ग्राम नर नारी।।
ते पितु मातु कहहु सखि कैसे। जिन्ह पठए बन बालक ऐसे।।
एक कहहिं भल भूपति कीन्हा। लोयन लाहु हमहि बिधि दीन्हा।।
तब निषादपति उर अनुमाना। तरु सिंसुपा मनोहर जाना।।
लै रघुनाथहि ठाउँ देखावा। कहेउ राम सब भाँति सुहावा।।
पुरजन करि जोहारु घर आए। रघुबर संध्या करन सिधाए।।
गुहँ सँवारि साँथरी डसाई। कुस किसलयमय मृदुल सुहाई।।
सुचि फल मूल मधुर मृदु जानी। दोना भरि भरि राखेसि पानी।।
दोहा/सोरठा
सिय सुमंत्र भ्राता सहित कंद मूल फल खाइ।
सयन कीन्ह रघुबंसमनि पाय पलोटत भाइ।।89।।
चौपाई
उठे लखनु प्रभु सोवत जानी। कहि सचिवहि सोवन मृदु बानी।।
कछुक दूर सजि बान सरासन। जागन लगे बैठि बीरासन।।
गुँह बोलाइ पाहरू प्रतीती। ठावँ ठाँव राखे अति प्रीती।।
आपु लखन पहिं बैठेउ जाई। कटि भाथी सर चाप चढ़ाई।।
सोवत प्रभुहि निहारि निषादू। भयउ प्रेम बस ह्दयँ बिषादू।।
तनु पुलकित जलु लोचन बहई। बचन सप्रेम लखन सन कहई।।
भूपति भवन सुभायँ सुहावा। सुरपति सदनु न पटतर पावा।।
मनिमय रचित चारु चौबारे। जनु रतिपति निज हाथ सँवारे।।
दोहा/सोरठा
सुचि सुबिचित्र सुभोगमय सुमन सुगंध सुबास।
पलँग मंजु मनिदीप जहँ सब बिधि सकल सुपास।।90।।
चौपाई
rāma lakhana siya rūpa nihārī. kahahiṃ saprēma grāma nara nārī..
tē pitu mātu kahahu sakhi kaisē. jinha paṭhaē bana bālaka aisē..
ēka kahahiṃ bhala bhūpati kīnhā. lōyana lāhu hamahi bidhi dīnhā..
taba niṣādapati ura anumānā. taru siṃsupā manōhara jānā..
lai raghunāthahi ṭhāuom dēkhāvā. kahēu rāma saba bhāomti suhāvā..
purajana kari jōhāru ghara āē. raghubara saṃdhyā karana sidhāē..
guhaom saomvāri sāomtharī ḍasāī. kusa kisalayamaya mṛdula suhāī..
suci phala mūla madhura mṛdu jānī. dōnā bhari bhari rākhēsi pānī..
चौपाई
uṭhē lakhanu prabhu sōvata jānī. kahi sacivahi sōvana mṛdu bānī..
kachuka dūra saji bāna sarāsana. jāgana lagē baiṭhi bīrāsana..
guomha bōlāi pāharū pratītī. ṭhāvaom ṭhāomva rākhē ati prītī..
āpu lakhana pahiṃ baiṭhēu jāī. kaṭi bhāthī sara cāpa caḍhaāī..
sōvata prabhuhi nihāri niṣādū. bhayau prēma basa hdayaom biṣādū..
tanu pulakita jalu lōcana bahaī. bacana saprēma lakhana sana kahaī..
bhūpati bhavana subhāyaom suhāvā. surapati sadanu na paṭatara pāvā..
manimaya racita cāru caubārē. janu ratipati nija hātha saomvārē..
