चौपाई
बिनती भूप कीन्ह जेहि भाँती। आरति प्रीति न सो कहि जाती।।
पितु सँदेसु सुनि कृपानिधाना। सियहि दीन्ह सिख कोटि बिधाना।।
सासु ससुर गुर प्रिय परिवारू। फिरतु त सब कर मिटै खभारू।।
सुनि पति बचन कहति बैदेही। सुनहु प्रानपति परम सनेही।।
प्रभु करुनामय परम बिबेकी। तनु तजि रहति छाँह किमि छेंकी।।
प्रभा जाइ कहँ भानु बिहाई। कहँ चंद्रिका चंदु तजि जाई।।
पतिहि प्रेममय बिनय सुनाई। कहति सचिव सन गिरा सुहाई।।
तुम्ह पितु ससुर सरिस हितकारी। उतरु देउँ फिरि अनुचित भारी।।
दोहा/सोरठा
आरति बस सनमुख भइउँ बिलगु न मानब तात।
आरजसुत पद कमल बिनु बादि जहाँ लगि नात।।97।।
चौपाई
पितु बैभव बिलास मैं डीठा। नृप मनि मुकुट मिलित पद पीठा।।
सुखनिधान अस पितु गृह मोरें। पिय बिहीन मन भाव न भोरें।।
ससुर चक्कवइ कोसलराऊ। भुवन चारिदस प्रगट प्रभाऊ।।
आगें होइ जेहि सुरपति लेई। अरध सिंघासन आसनु देई।।
ससुरु एतादृस अवध निवासू। प्रिय परिवारु मातु सम सासू।।
बिनु रघुपति पद पदुम परागा। मोहि केउ सपनेहुँ सुखद न लागा।।
अगम पंथ बनभूमि पहारा। करि केहरि सर सरित अपारा।।
कोल किरात कुरंग बिहंगा। मोहि सब सुखद प्रानपति संगा।।
दोहा/सोरठा
सासु ससुर सन मोरि हुँति बिनय करबि परि पायँ।।
मोर सोचु जनि करिअ कछु मैं बन सुखी सुभायँ।।98।।
चौपाई
binatī bhūpa kīnha jēhi bhāomtī. ārati prīti na sō kahi jātī..
pitu saomdēsu suni kṛpānidhānā. siyahi dīnha sikha kōṭi bidhānā..
sāsu sasura gura priya parivārū. phiratu ta saba kara miṭai khabhārū..
suni pati bacana kahati baidēhī. sunahu prānapati parama sanēhī..
prabhu karunāmaya parama bibēkī. tanu taji rahati chāomha kimi chēṃkī..
prabhā jāi kahaom bhānu bihāī. kahaom caṃdrikā caṃdu taji jāī..
patihi prēmamaya binaya sunāī. kahati saciva sana girā suhāī..
tumha pitu sasura sarisa hitakārī. utaru dēuom phiri anucita bhārī..
चौपाई
pitu baibhava bilāsa maiṃ ḍīṭhā. nṛpa mani mukuṭa milita pada pīṭhā..
sukhanidhāna asa pitu gṛha mōrēṃ. piya bihīna mana bhāva na bhōrēṃ..
sasura cakkavai kōsalarāū. bhuvana cāridasa pragaṭa prabhāū..
āgēṃ hōi jēhi surapati lēī. aradha siṃghāsana āsanu dēī..
sasuru ētādṛsa avadha nivāsū. priya parivāru mātu sama sāsū..
binu raghupati pada paduma parāgā. mōhi kēu sapanēhuom sukhada na lāgā..
agama paṃtha banabhūmi pahārā. kari kēhari sara sarita apārā..
kōla kirāta kuraṃga bihaṃgā. mōhi saba sukhada prānapati saṃgā..
