चौपाई
धरि धीरज तब कहइ निषादू। अब सुमंत्र परिहरहु बिषादू।।
तुम्ह पंडित परमारथ ग्याता। धरहु धीर लखि बिमुख बिधाता
बिबिध कथा कहि कहि मृदु बानी। रथ बैठारेउ बरबस आनी।।
सोक सिथिल रथ सकइ न हाँकी। रघुबर बिरह पीर उर बाँकी।।
चरफराहिं मग चलहिं न घोरे। बन मृग मनहुँ आनि रथ जोरे।।
अढ़ुकि परहिं फिरि हेरहिं पीछें। राम बियोगि बिकल दुख तीछें।।
जो कह रामु लखनु बैदेही। हिंकरि हिंकरि हित हेरहिं तेही।।
बाजि बिरह गति कहि किमि जाती। बिनु मनि फनिक बिकल जेहि भाँती।।
दोहा/सोरठा
भयउ निषाद बिषादबस देखत सचिव तुरंग।
बोलि सुसेवक चारि तब दिए सारथी संग।।143।।
चौपाई
गुह सारथिहि फिरेउ पहुँचाई। बिरहु बिषादु बरनि नहिं जाई।।
चले अवध लेइ रथहि निषादा। होहि छनहिं छन मगन बिषादा।।
सोच सुमंत्र बिकल दुख दीना। धिग जीवन रघुबीर बिहीना।।
रहिहि न अंतहुँ अधम सरीरू। जसु न लहेउ बिछुरत रघुबीरू।।
भए अजस अघ भाजन प्राना। कवन हेतु नहिं करत पयाना।।
अहह मंद मनु अवसर चूका। अजहुँ न हृदय होत दुइ टूका।।
मीजि हाथ सिरु धुनि पछिताई। मनहँ कृपन धन रासि गवाँई।।
बिरिद बाँधि बर बीरु कहाई। चलेउ समर जनु सुभट पराई।।
दोहा/सोरठा
बिप्र बिबेकी बेदबिद संमत साधु सुजाति।
जिमि धोखें मदपान कर सचिव सोच तेहि भाँति।।144।।
चौपाई
dhari dhīraja taba kahai niṣādū. aba sumaṃtra pariharahu biṣādū..
tumha paṃḍita paramāratha gyātā. dharahu dhīra lakhi bimukha bidhātā
bibidha kathā kahi kahi mṛdu bānī. ratha baiṭhārēu barabasa ānī..
sōka sithila ratha sakai na hāomkī. raghubara biraha pīra ura bāomkī..
carapharāhiṃ maga calahiṃ na ghōrē. bana mṛga manahuom āni ratha jōrē..
aḍhauki parahiṃ phiri hērahiṃ pīchēṃ. rāma biyōgi bikala dukha tīchēṃ..
jō kaha rāmu lakhanu baidēhī. hiṃkari hiṃkari hita hērahiṃ tēhī..
bāji biraha gati kahi kimi jātī. binu mani phanika bikala jēhi bhāomtī..
चौपाई
guha sārathihi phirēu pahuomcāī. birahu biṣādu barani nahiṃ jāī..
calē avadha lēi rathahi niṣādā. hōhi chanahiṃ chana magana biṣādā..
sōca sumaṃtra bikala dukha dīnā. dhiga jīvana raghubīra bihīnā..
rahihi na aṃtahuom adhama sarīrū. jasu na lahēu bichurata raghubīrū..
bhaē ajasa agha bhājana prānā. kavana hētu nahiṃ karata payānā..
ahaha maṃda manu avasara cūkā. ajahuom na hṛdaya hōta dui ṭūkā..
mīji hātha siru dhuni pachitāī. manahaom kṛpana dhana rāsi gavāomī..
birida bāomdhi bara bīru kahāī. calēu samara janu subhaṭa parāī..
