चौपाई
जिमि कुलीन तिय साधु सयानी। पतिदेवता करम मन बानी।।
रहै करम बस परिहरि नाहू। सचिव हृदयँ तिमि दारुन दाहु।।
लोचन सजल डीठि भइ थोरी। सुनइ न श्रवन बिकल मति भोरी।।
सूखहिं अधर लागि मुहँ लाटी। जिउ न जाइ उर अवधि कपाटी।।
बिबरन भयउ न जाइ निहारी। मारेसि मनहुँ पिता महतारी।।
हानि गलानि बिपुल मन ब्यापी। जमपुर पंथ सोच जिमि पापी।।
बचनु न आव हृदयँ पछिताई। अवध काह मैं देखब जाई।।
राम रहित रथ देखिहि जोई। सकुचिहि मोहि बिलोकत सोई।।
दोहा/सोरठा
-धाइ पूँछिहहिं मोहि जब बिकल नगर नर नारि।
उतरु देब मैं सबहि तब हृदयँ बज्रु बैठारि।।145।।
चौपाई
पुछिहहिं दीन दुखित सब माता। कहब काह मैं तिन्हहि बिधाता।।
पूछिहि जबहिं लखन महतारी। कहिहउँ कवन सँदेस सुखारी।।
राम जननि जब आइहि धाई। सुमिरि बच्छु जिमि धेनु लवाई।।
पूँछत उतरु देब मैं तेही। गे बनु राम लखनु बैदेही।।
जोइ पूँछिहि तेहि ऊतरु देबा।जाइ अवध अब यहु सुखु लेबा।।
पूँछिहि जबहिं राउ दुख दीना। जिवनु जासु रघुनाथ अधीना।।
देहउँ उतरु कौनु मुहु लाई। आयउँ कुसल कुअँर पहुँचाई।।
सुनत लखन सिय राम सँदेसू। तृन जिमि तनु परिहरिहि नरेसू।।
दोहा/सोरठा
-ह्रदउ न बिदरेउ पंक जिमि बिछुरत प्रीतमु नीरु।।
जानत हौं मोहि दीन्ह बिधि यहु जातना सरीरु।।146।।
चौपाई
jimi kulīna tiya sādhu sayānī. patidēvatā karama mana bānī..
rahai karama basa parihari nāhū. saciva hṛdayaom timi dāruna dāhu..
lōcana sajala ḍīṭhi bhai thōrī. sunai na śravana bikala mati bhōrī..
sūkhahiṃ adhara lāgi muhaom lāṭī. jiu na jāi ura avadhi kapāṭī..
bibarana bhayau na jāi nihārī. mārēsi manahuom pitā mahatārī..
hāni galāni bipula mana byāpī. jamapura paṃtha sōca jimi pāpī..
bacanu na āva hṛdayaom pachitāī. avadha kāha maiṃ dēkhaba jāī..
rāma rahita ratha dēkhihi jōī. sakucihi mōhi bilōkata sōī..
चौपाई
puchihahiṃ dīna dukhita saba mātā. kahaba kāha maiṃ tinhahi bidhātā..
pūchihi jabahiṃ lakhana mahatārī. kahihauom kavana saomdēsa sukhārī..
rāma janani jaba āihi dhāī. sumiri bacchu jimi dhēnu lavāī..
pūomchata utaru dēba maiṃ tēhī. gē banu rāma lakhanu baidēhī..
jōi pūomchihi tēhi ūtaru dēbā.jāi avadha aba yahu sukhu lēbā..
pūomchihi jabahiṃ rāu dukha dīnā. jivanu jāsu raghunātha adhīnā..
dēhauom utaru kaunu muhu lāī. āyauom kusala kuaomra pahuomcāī..
sunata lakhana siya rāma saomdēsū. tṛna jimi tanu pariharihi narēsū..
