चौपाई
एहि बिधि करत पंथ पछितावा। तमसा तीर तुरत रथु आवा।।
बिदा किए करि बिनय निषादा। फिरे पायँ परि बिकल बिषादा।।
पैठत नगर सचिव सकुचाई। जनु मारेसि गुर बाँभन गाई।।
बैठि बिटप तर दिवसु गवाँवा। साँझ समय तब अवसरु पावा।।
अवध प्रबेसु कीन्ह अँधिआरें। पैठ भवन रथु राखि दुआरें।।
जिन्ह जिन्ह समाचार सुनि पाए। भूप द्वार रथु देखन आए।।
रथु पहिचानि बिकल लखि घोरे। गरहिं गात जिमि आतप ओरे।।
नगर नारि नर ब्याकुल कैंसें। निघटत नीर मीनगन जैंसें।।
दोहा/सोरठा
-सचिव आगमनु सुनत सबु बिकल भयउ रनिवासु।
भवन भयंकरु लाग तेहि मानहुँ प्रेत निवासु।।147।।
चौपाई
अति आरति सब पूँछहिं रानी। उतरु न आव बिकल भइ बानी।।
सुनइ न श्रवन नयन नहिं सूझा। कहहु कहाँ नृप तेहि तेहि बूझा।।
दासिन्ह दीख सचिव बिकलाई। कौसल्या गृहँ गईं लवाई।।
जाइ सुमंत्र दीख कस राजा। अमिअ रहित जनु चंदु बिराजा।।
आसन सयन बिभूषन हीना। परेउ भूमितल निपट मलीना।।
लेइ उसासु सोच एहि भाँती। सुरपुर तें जनु खँसेउ जजाती।।
लेत सोच भरि छिनु छिनु छाती। जनु जरि पंख परेउ संपाती।।
राम राम कह राम सनेही। पुनि कह राम लखन बैदेही।।
दोहा/सोरठा
देखि सचिवँ जय जीव कहि कीन्हेउ दंड प्रनामु।
सुनत उठेउ ब्याकुल नृपति कहु सुमंत्र कहँ रामु।।148।।
चौपाई
ēhi bidhi karata paṃtha pachitāvā. tamasā tīra turata rathu āvā..
bidā kiē kari binaya niṣādā. phirē pāyaom pari bikala biṣādā..
paiṭhata nagara saciva sakucāī. janu mārēsi gura bāombhana gāī..
baiṭhi biṭapa tara divasu gavāomvā. sāomjha samaya taba avasaru pāvā..
avadha prabēsu kīnha aomdhiārēṃ. paiṭha bhavana rathu rākhi duārēṃ..
jinha jinha samācāra suni pāē. bhūpa dvāra rathu dēkhana āē..
rathu pahicāni bikala lakhi ghōrē. garahiṃ gāta jimi ātapa ōrē..
nagara nāri nara byākula kaiṃsēṃ. nighaṭata nīra mīnagana jaiṃsēṃ..
चौपाई
ati ārati saba pūomchahiṃ rānī. utaru na āva bikala bhai bānī..
sunai na śravana nayana nahiṃ sūjhā. kahahu kahāom nṛpa tēhi tēhi būjhā..
dāsinha dīkha saciva bikalāī. kausalyā gṛhaom gaīṃ lavāī..
jāi sumaṃtra dīkha kasa rājā. amia rahita janu caṃdu birājā..
āsana sayana bibhūṣana hīnā. parēu bhūmitala nipaṭa malīnā..
lēi usāsu sōca ēhi bhāomtī. surapura tēṃ janu khaomsēu jajātī..
lēta sōca bhari chinu chinu chātī. janu jari paṃkha parēu saṃpātī..
rāma rāma kaha rāma sanēhī. puni kaha rāma lakhana baidēhī..
