चौपाई
भूप सुमंत्रु लीन्ह उर लाई। बूड़त कछु अधार जनु पाई।।
सहित सनेह निकट बैठारी। पूँछत राउ नयन भरि बारी।।
राम कुसल कहु सखा सनेही। कहँ रघुनाथु लखनु बैदेही।।
आने फेरि कि बनहि सिधाए। सुनत सचिव लोचन जल छाए।।
सोक बिकल पुनि पूँछ नरेसू। कहु सिय राम लखन संदेसू।।
राम रूप गुन सील सुभाऊ। सुमिरि सुमिरि उर सोचत राऊ।।
राउ सुनाइ दीन्ह बनबासू। सुनि मन भयउ न हरषु हराँसू।।
सो सुत बिछुरत गए न प्राना। को पापी बड़ मोहि समाना।।
दोहा/सोरठा
सखा रामु सिय लखनु जहँ तहाँ मोहि पहुँचाउ।
नाहिं त चाहत चलन अब प्रान कहउँ सतिभाउ।।149।।
चौपाई
पुनि पुनि पूँछत मंत्रहि राऊ। प्रियतम सुअन सँदेस सुनाऊ।।
करहि सखा सोइ बेगि उपाऊ। रामु लखनु सिय नयन देखाऊ।।
सचिव धीर धरि कह मुदु बानी। महाराज तुम्ह पंडित ग्यानी।।
बीर सुधीर धुरंधर देवा। साधु समाजु सदा तुम्ह सेवा।।
जनम मरन सब दुख भोगा। हानि लाभ प्रिय मिलन बियोगा।।
काल करम बस हौहिं गोसाईं। बरबस राति दिवस की नाईं।।
सुख हरषहिं जड़ दुख बिलखाहीं। दोउ सम धीर धरहिं मन माहीं।।
धीरज धरहु बिबेकु बिचारी। छाड़िअ सोच सकल हितकारी।।
दोहा/सोरठा
प्रथम बासु तमसा भयउ दूसर सुरसरि तीर।
न्हाई रहे जलपानु करि सिय समेत दोउ बीर।।150।।
चौपाई
bhūpa sumaṃtru līnha ura lāī. būḍata kachu adhāra janu pāī..
sahita sanēha nikaṭa baiṭhārī. pūomchata rāu nayana bhari bārī..
rāma kusala kahu sakhā sanēhī. kahaom raghunāthu lakhanu baidēhī..
ānē phēri ki banahi sidhāē. sunata saciva lōcana jala chāē..
sōka bikala puni pūomcha narēsū. kahu siya rāma lakhana saṃdēsū..
rāma rūpa guna sīla subhāū. sumiri sumiri ura sōcata rāū..
rāu sunāi dīnha banabāsū. suni mana bhayau na haraṣu harāomsū..
sō suta bichurata gaē na prānā. kō pāpī baḍa mōhi samānā..
चौपाई
puni puni pūomchata maṃtrahi rāū. priyatama suana saomdēsa sunāū..
karahi sakhā sōi bēgi upāū. rāmu lakhanu siya nayana dēkhāū..
saciva dhīra dhari kaha mudu bānī. mahārāja tumha paṃḍita gyānī..
bīra sudhīra dhuraṃdhara dēvā. sādhu samāju sadā tumha sēvā..
janama marana saba dukha bhōgā. hāni lābha priya milana biyōgā..
kāla karama basa hauhiṃ gōsāīṃ. barabasa rāti divasa kī nāīṃ..
sukha haraṣahiṃ jaḍa dukha bilakhāhīṃ. dōu sama dhīra dharahiṃ mana māhīṃ..
dhīraja dharahu bibēku bicārī. chāḍaia sōca sakala hitakārī..
