चौपाई
केवट कीन्हि बहुत सेवकाई। सो जामिनि सिंगरौर गवाँई।।
होत प्रात बट छीरु मगावा। जटा मुकुट निज सीस बनावा।।
राम सखाँ तब नाव मगाई। प्रिया चढ़ाइ चढ़े रघुराई।।
लखन बान धनु धरे बनाई। आपु चढ़े प्रभु आयसु पाई।।
बिकल बिलोकि मोहि रघुबीरा। बोले मधुर बचन धरि धीरा।।
तात प्रनामु तात सन कहेहु। बार बार पद पंकज गहेहू।।
करबि पायँ परि बिनय बहोरी। तात करिअ जनि चिंता मोरी।।
बन मग मंगल कुसल हमारें। कृपा अनुग्रह पुन्य तुम्हारें।।
चौपाई
पुरजन परिजन सकल निहोरी। तात सुनाएहु बिनती मोरी।।
सोइ सब भाँति मोर हितकारी। जातें रह नरनाहु सुखारी।।
कहब सँदेसु भरत के आएँ। नीति न तजिअ राजपदु पाएँ।।
पालेहु प्रजहि करम मन बानी। सेएहु मातु सकल सम जानी।।
ओर निबाहेहु भायप भाई। करि पितु मातु सुजन सेवकाई।।
तात भाँति तेहि राखब राऊ। सोच मोर जेहिं करै न काऊ।।
लखन कहे कछु बचन कठोरा। बरजि राम पुनि मोहि निहोरा।।
बार बार निज सपथ देवाई। कहबि न तात लखन लरिकाई।।
दोहा/सोरठा
कहि प्रनाम कछु कहन लिय सिय भइ सिथिल सनेह।
थकित बचन लोचन सजल पुलक पल्लवित देह।।152।।
चौपाई
kēvaṭa kīnhi bahuta sēvakāī. sō jāmini siṃgaraura gavāomī..
hōta prāta baṭa chīru magāvā. jaṭā mukuṭa nija sīsa banāvā..
rāma sakhāom taba nāva magāī. priyā caḍhaāi caḍhaē raghurāī..
lakhana bāna dhanu dharē banāī. āpu caḍhaē prabhu āyasu pāī..
bikala bilōki mōhi raghubīrā. bōlē madhura bacana dhari dhīrā..
tāta pranāmu tāta sana kahēhu. bāra bāra pada paṃkaja gahēhū..
karabi pāyaom pari binaya bahōrī. tāta karia jani ciṃtā mōrī..
bana maga maṃgala kusala hamārēṃ. kṛpā anugraha punya tumhārēṃ..
चौपाई
purajana parijana sakala nihōrī. tāta sunāēhu binatī mōrī..
sōi saba bhāomti mōra hitakārī. jātēṃ raha naranāhu sukhārī..
kahaba saomdēsu bharata kē āēom. nīti na tajia rājapadu pāēom..
pālēhu prajahi karama mana bānī. sēēhu mātu sakala sama jānī..
ōra nibāhēhu bhāyapa bhāī. kari pitu mātu sujana sēvakāī..
tāta bhāomti tēhi rākhaba rāū. sōca mōra jēhiṃ karai na kāū..
lakhana kahē kachu bacana kaṭhōrā. baraji rāma puni mōhi nihōrā..
bāra bāra nija sapatha dēvāī. kahabi na tāta lakhana larikāī..
