चौपाई
तेहि अवसर रघुबर रूख पाई। केवट पारहि नाव चलाई।।
रघुकुलतिलक चले एहि भाँती। देखउँ ठाढ़ कुलिस धरि छाती।।
मैं आपन किमि कहौं कलेसू। जिअत फिरेउँ लेइ राम सँदेसू।।
अस कहि सचिव बचन रहि गयऊ। हानि गलानि सोच बस भयऊ।।
सुत बचन सुनतहिं नरनाहू। परेउ धरनि उर दारुन दाहू।।
तलफत बिषम मोह मन मापा। माजा मनहुँ मीन कहुँ ब्यापा।।
करि बिलाप सब रोवहिं रानी। महा बिपति किमि जाइ बखानी।।
सुनि बिलाप दुखहू दुखु लागा। धीरजहू कर धीरजु भागा।।
दोहा/सोरठा
भयउ कोलाहलु अवध अति सुनि नृप राउर सोरु।
बिपुल बिहग बन परेउ निसि मानहुँ कुलिस कठोरु।।153।।
चौपाई
प्रान कंठगत भयउ भुआलू। मनि बिहीन जनु ब्याकुल ब्यालू।।
इद्रीं सकल बिकल भइँ भारी। जनु सर सरसिज बनु बिनु बारी।।
कौसल्याँ नृपु दीख मलाना। रबिकुल रबि अँथयउ जियँ जाना।
उर धरि धीर राम महतारी। बोली बचन समय अनुसारी।।
नाथ समुझि मन करिअ बिचारू। राम बियोग पयोधि अपारू।।
करनधार तुम्ह अवध जहाजू। चढ़ेउ सकल प्रिय पथिक समाजू।।
धीरजु धरिअ त पाइअ पारू। नाहिं त बूड़िहि सबु परिवारू।।
जौं जियँ धरिअ बिनय पिय मोरी। रामु लखनु सिय मिलहिं बहोरी।।
दोहा/सोरठा
प्रिया बचन मृदु सुनत नृपु चितयउ आँखि उघारि।
तलफत मीन मलीन जनु सींचत सीतल बारि।।154।।
चौपाई
tēhi avasara raghubara rūkha pāī. kēvaṭa pārahi nāva calāī..
raghukulatilaka calē ēhi bhāomtī. dēkhauom ṭhāḍha kulisa dhari chātī..
maiṃ āpana kimi kahauṃ kalēsū. jiata phirēuom lēi rāma saomdēsū..
asa kahi saciva bacana rahi gayaū. hāni galāni sōca basa bhayaū..
suta bacana sunatahiṃ naranāhū. parēu dharani ura dāruna dāhū..
talaphata biṣama mōha mana māpā. mājā manahuom mīna kahuom byāpā..
kari bilāpa saba rōvahiṃ rānī. mahā bipati kimi jāi bakhānī..
suni bilāpa dukhahū dukhu lāgā. dhīrajahū kara dhīraju bhāgā..
चौपाई
prāna kaṃṭhagata bhayau bhuālū. mani bihīna janu byākula byālū..
idrīṃ sakala bikala bhaiom bhārī. janu sara sarasija banu binu bārī..
kausalyāom nṛpu dīkha malānā. rabikula rabi aomthayau jiyaom jānā.
ura dhari dhīra rāma mahatārī. bōlī bacana samaya anusārī..
nātha samujhi mana karia bicārū. rāma biyōga payōdhi apārū..
karanadhāra tumha avadha jahājū. caḍhaēu sakala priya pathika samājū..
dhīraju dharia ta pāia pārū. nāhiṃ ta būḍaihi sabu parivārū..
jauṃ jiyaom dharia binaya piya mōrī. rāmu lakhanu siya milahiṃ bahōrī..
