चौपाई
धरि धीरजु उठी बैठ भुआलू। कहु सुमंत्र कहँ राम कृपालू।।
कहाँ लखनु कहँ रामु सनेही। कहँ प्रिय पुत्रबधू बैदेही।।
बिलपत राउ बिकल बहु भाँती। भइ जुग सरिस सिराति न राती।।
तापस अंध साप सुधि आई। कौसल्यहि सब कथा सुनाई।।
भयउ बिकल बरनत इतिहासा। राम रहित धिग जीवन आसा।।
सो तनु राखि करब मैं काहा। जेंहि न प्रेम पनु मोर निबाहा।।
हा रघुनंदन प्रान पिरीते। तुम्ह बिनु जिअत बहुत दिन बीते।।
हा जानकी लखन हा रघुबर। हा पितु हित चित चातक जलधर।
दोहा/सोरठा
राम राम कहि राम कहि राम राम कहि राम।
तनु परिहरि रघुबर बिरहँ राउ गयउ सुरधाम।।155।।
चौपाई
जिअन मरन फलु दसरथ पावा। अंड अनेक अमल जसु छावा।।
जिअत राम बिधु बदनु निहारा। राम बिरह करि मरनु सँवारा।।
सोक बिकल सब रोवहिं रानी। रूपु सील बलु तेजु बखानी।।
करहिं बिलाप अनेक प्रकारा। परहीं भूमितल बारहिं बारा।।
बिलपहिं बिकल दास अरु दासी। घर घर रुदनु करहिं पुरबासी।।
अँथयउ आजु भानुकुल भानू। धरम अवधि गुन रूप निधानू।।
गारीं सकल कैकइहि देहीं। नयन बिहीन कीन्ह जग जेहीं।।
एहि बिधि बिलपत रैनि बिहानी। आए सकल महामुनि ग्यानी।।
दोहा/सोरठा
तब बसिष्ठ मुनि समय सम कहि अनेक इतिहास।
सोक नेवारेउ सबहि कर निज बिग्यान प्रकास।।156।।
चौपाई
dhari dhīraju uṭhī baiṭha bhuālū. kahu sumaṃtra kahaom rāma kṛpālū..
kahāom lakhanu kahaom rāmu sanēhī. kahaom priya putrabadhū baidēhī..
bilapata rāu bikala bahu bhāomtī. bhai juga sarisa sirāti na rātī..
tāpasa aṃdha sāpa sudhi āī. kausalyahi saba kathā sunāī..
bhayau bikala baranata itihāsā. rāma rahita dhiga jīvana āsā..
sō tanu rākhi karaba maiṃ kāhā. jēṃhi na prēma panu mōra nibāhā..
hā raghunaṃdana prāna pirītē. tumha binu jiata bahuta dina bītē..
hā jānakī lakhana hā raghubara. hā pitu hita cita cātaka jaladhara.
चौपाई
jiana marana phalu dasaratha pāvā. aṃḍa anēka amala jasu chāvā..
jiata rāma bidhu badanu nihārā. rāma biraha kari maranu saomvārā..
sōka bikala saba rōvahiṃ rānī. rūpu sīla balu tēju bakhānī..
karahiṃ bilāpa anēka prakārā. parahīṃ bhūmitala bārahiṃ bārā..
bilapahiṃ bikala dāsa aru dāsī. ghara ghara rudanu karahiṃ purabāsī..
aomthayau āju bhānukula bhānū. dharama avadhi guna rūpa nidhānū..
gārīṃ sakala kaikaihi dēhīṃ. nayana bihīna kīnha jaga jēhīṃ..
ēhi bidhi bilapata raini bihānī. āē sakala mahāmuni gyānī..
