चौपाई
हाट बाट नहिं जाइ निहारी। जनु पुर दहँ दिसि लागि दवारी।।
आवत सुत सुनि कैकयनंदिनि। हरषी रबिकुल जलरुह चंदिनि।।
सजि आरती मुदित उठि धाई। द्वारेहिं भेंटि भवन लेइ आई।।
भरत दुखित परिवारु निहारा। मानहुँ तुहिन बनज बनु मारा।।
कैकेई हरषित एहि भाँति। मनहुँ मुदित दव लाइ किराती।।
सुतहि ससोच देखि मनु मारें। पूँछति नैहर कुसल हमारें।।
सकल कुसल कहि भरत सुनाई। पूँछी निज कुल कुसल भलाई।।
कहु कहँ तात कहाँ सब माता। कहँ सिय राम लखन प्रिय भ्राता।।
दोहा/सोरठा
सुनि सुत बचन सनेहमय कपट नीर भरि नैन।
भरत श्रवन मन सूल सम पापिनि बोली बैन।।159।।
चौपाई
तात बात मैं सकल सँवारी। भै मंथरा सहाय बिचारी।।
कछुक काज बिधि बीच बिगारेउ। भूपति सुरपति पुर पगु धारेउ।।
सुनत भरतु भए बिबस बिषादा। जनु सहमेउ करि केहरि नादा।।
तात तात हा तात पुकारी। परे भूमितल ब्याकुल भारी।।
चलत न देखन पायउँ तोही। तात न रामहि सौंपेहु मोही।।
बहुरि धीर धरि उठे सँभारी। कहु पितु मरन हेतु महतारी।।
सुनि सुत बचन कहति कैकेई। मरमु पाँछि जनु माहुर देई।।
आदिहु तें सब आपनि करनी। कुटिल कठोर मुदित मन बरनी।।
दोहा/सोरठा
भरतहि बिसरेउ पितु मरन सुनत राम बन गौनु।
हेतु अपनपउ जानि जियँ थकित रहे धरि मौनु।।160।।
चौपाई
hāṭa bāṭa nahiṃ jāi nihārī. janu pura dahaom disi lāgi davārī..
āvata suta suni kaikayanaṃdini. haraṣī rabikula jalaruha caṃdini..
saji āratī mudita uṭhi dhāī. dvārēhiṃ bhēṃṭi bhavana lēi āī..
bharata dukhita parivāru nihārā. mānahuom tuhina banaja banu mārā..
kaikēī haraṣita ēhi bhāomti. manahuom mudita dava lāi kirātī..
sutahi sasōca dēkhi manu mārēṃ. pūomchati naihara kusala hamārēṃ..
sakala kusala kahi bharata sunāī. pūomchī nija kula kusala bhalāī..
kahu kahaom tāta kahāom saba mātā. kahaom siya rāma lakhana priya bhrātā..
चौपाई
tāta bāta maiṃ sakala saomvārī. bhai maṃtharā sahāya bicārī..
kachuka kāja bidhi bīca bigārēu. bhūpati surapati pura pagu dhārēu..
sunata bharatu bhaē bibasa biṣādā. janu sahamēu kari kēhari nādā..
tāta tāta hā tāta pukārī. parē bhūmitala byākula bhārī..
calata na dēkhana pāyauom tōhī. tāta na rāmahi sauṃpēhu mōhī..
bahuri dhīra dhari uṭhē saombhārī. kahu pitu marana hētu mahatārī..
suni suta bacana kahati kaikēī. maramu pāomchi janu māhura dēī..
ādihu tēṃ saba āpani karanī. kuṭila kaṭhōra mudita mana baranī..
