चौपाई
सृंगबेरपुर भरत दीख जब। भे सनेहँ सब अंग सिथिल तब।।
सोहत दिएँ निषादहि लागू। जनु तनु धरें बिनय अनुरागू।।
एहि बिधि भरत सेनु सबु संगा। दीखि जाइ जग पावनि गंगा।।
रामघाट कहँ कीन्ह प्रनामू। भा मनु मगनु मिले जनु रामू।।
करहिं प्रनाम नगर नर नारी। मुदित ब्रह्ममय बारि निहारी।।
करि मज्जनु मागहिं कर जोरी। रामचंद्र पद प्रीति न थोरी।।
भरत कहेउ सुरसरि तव रेनू। सकल सुखद सेवक सुरधेनू।।
जोरि पानि बर मागउँ एहू। सीय राम पद सहज सनेहू।।
दोहा/सोरठा
एहि बिधि मज्जनु भरतु करि गुर अनुसासन पाइ।
मातु नहानीं जानि सब डेरा चले लवाइ।।197।।
चौपाई
जहँ तहँ लोगन्ह डेरा कीन्हा। भरत सोधु सबही कर लीन्हा।।
सुर सेवा करि आयसु पाई। राम मातु पहिं गे दोउ भाई।।
चरन चाँपि कहि कहि मृदु बानी। जननीं सकल भरत सनमानी।।
भाइहि सौंपि मातु सेवकाई। आपु निषादहि लीन्ह बोलाई।।
चले सखा कर सों कर जोरें। सिथिल सरीर सनेह न थोरें।।
पूँछत सखहि सो ठाउँ देखाऊ। नेकु नयन मन जरनि जुड़ाऊ।।
जहँ सिय रामु लखनु निसि सोए। कहत भरे जल लोचन कोए।।
भरत बचन सुनि भयउ बिषादू। तुरत तहाँ लइ गयउ निषादू।।
दोहा/सोरठा
जहँ सिंसुपा पुनीत तर रघुबर किय बिश्रामु।
अति सनेहँ सादर भरत कीन्हेउ दंड प्रनामु।।198।।
चौपाई
sṛṃgabērapura bharata dīkha jaba. bhē sanēhaom saba aṃga sithila taba..
sōhata diēom niṣādahi lāgū. janu tanu dharēṃ binaya anurāgū..
ēhi bidhi bharata sēnu sabu saṃgā. dīkhi jāi jaga pāvani gaṃgā..
rāmaghāṭa kahaom kīnha pranāmū. bhā manu maganu milē janu rāmū..
karahiṃ pranāma nagara nara nārī. mudita brahmamaya bāri nihārī..
kari majjanu māgahiṃ kara jōrī. rāmacaṃdra pada prīti na thōrī..
bharata kahēu surasari tava rēnū. sakala sukhada sēvaka suradhēnū..
jōri pāni bara māgauom ēhū. sīya rāma pada sahaja sanēhū..
चौपाई
jahaom tahaom lōganha ḍērā kīnhā. bharata sōdhu sabahī kara līnhā..
sura sēvā kari āyasu pāī. rāma mātu pahiṃ gē dōu bhāī..
carana cāompi kahi kahi mṛdu bānī. jananīṃ sakala bharata sanamānī..
bhāihi sauṃpi mātu sēvakāī. āpu niṣādahi līnha bōlāī..
calē sakhā kara sōṃ kara jōrēṃ. sithila sarīra sanēha na thōrēṃ..
pūomchata sakhahi sō ṭhāuom dēkhāū. nēku nayana mana jarani juḍaāū..
jahaom siya rāmu lakhanu nisi sōē. kahata bharē jala lōcana kōē..
bharata bacana suni bhayau biṣādū. turata tahāom lai gayau niṣādū..
