चौपाई
बंदउँ नाम राम रघुवर को। हेतु कृसानु भानु हिमकर को।।
बिधि हरि हरमय बेद प्रान सो। अगुन अनूपम गुन निधान सो।।
महामंत्र जोइ जपत महेसू। कासीं मुकुति हेतु उपदेसू।।
महिमा जासु जान गनराउ। प्रथम पूजिअत नाम प्रभाऊ।।
जान आदिकबि नाम प्रतापू। भयउ सुद्ध करि उलटा जापू।।
सहस नाम सम सुनि सिव बानी। जपि जेई पिय संग भवानी।।
हरषे हेतु हेरि हर ही को। किय भूषन तिय भूषन ती को।।
नाम प्रभाउ जान सिव नीको। कालकूट फलु दीन्ह अमी को।।
दोहा/सोरठा
बरषा रितु रघुपति भगति तुलसी सालि सुदास।।
राम नाम बर बरन जुग सावन भादव मास।।19।।
चौपाई
आखर मधुर मनोहर दोऊ। बरन बिलोचन जन जिय जोऊ।।
सुमिरत सुलभ सुखद सब काहू। लोक लाहु परलोक निबाहू।।
कहत सुनत सुमिरत सुठि नीके। राम लखन सम प्रिय तुलसी के।।
बरनत बरन प्रीति बिलगाती। ब्रह्म जीव सम सहज सँघाती।।
नर नारायन सरिस सुभ्राता। जग पालक बिसेषि जन त्राता।।
भगति सुतिय कल करन बिभूषन। जग हित हेतु बिमल बिधु पूषन ।
स्वाद तोष सम सुगति सुधा के। कमठ सेष सम धर बसुधा के।।
जन मन मंजु कंज मधुकर से। जीह जसोमति हरि हलधर से।।
दोहा/सोरठा
एकु छत्रु एकु मुकुटमनि सब बरननि पर जोउ।
तुलसी रघुबर नाम के बरन बिराजत दोउ।।20।।
चौपाई
baṃdauom nāma rāma raghuvara kō. hētu kṛsānu bhānu himakara kō..
bidhi hari haramaya bēda prāna sō. aguna anūpama guna nidhāna sō..
mahāmaṃtra jōi japata mahēsū. kāsīṃ mukuti hētu upadēsū..
mahimā jāsu jāna ganarāu. prathama pūjiata nāma prabhāū..
jāna ādikabi nāma pratāpū. bhayau suddha kari ulaṭā jāpū..
sahasa nāma sama suni siva bānī. japi jēī piya saṃga bhavānī..
haraṣē hētu hēri hara hī kō. kiya bhūṣana tiya bhūṣana tī kō..
nāma prabhāu jāna siva nīkō. kālakūṭa phalu dīnha amī kō..
चौपाई
ākhara madhura manōhara dōū. barana bilōcana jana jiya jōū..
sumirata sulabha sukhada saba kāhū. lōka lāhu paralōka nibāhū..
kahata sunata sumirata suṭhi nīkē. rāma lakhana sama priya tulasī kē..
baranata barana prīti bilagātī. brahma jīva sama sahaja saomghātī..
nara nārāyana sarisa subhrātā. jaga pālaka bisēṣi jana trātā..
bhagati sutiya kala karana bibhūṣana. jaga hita hētu bimala bidhu pūṣana .
svāda tōṣa sama sugati sudhā kē. kamaṭha sēṣa sama dhara basudhā kē..
jana mana maṃju kaṃja madhukara sē. jīha jasōmati hari haladhara sē..
