चौपाई
एक बार जननीं अन्हवाए। करि सिंगार पलनाँ पौढ़ाए।।
निज कुल इष्टदेव भगवाना। पूजा हेतु कीन्ह अस्नाना।।
करि पूजा नैबेद्य चढ़ावा। आपु गई जहँ पाक बनावा।।
बहुरि मातु तहवाँ चलि आई। भोजन करत देख सुत जाई।।
गै जननी सिसु पहिं भयभीता। देखा बाल तहाँ पुनि सूता।।
बहुरि आइ देखा सुत सोई। हृदयँ कंप मन धीर न होई।।
इहाँ उहाँ दुइ बालक देखा। मतिभ्रम मोर कि आन बिसेषा।।
देखि राम जननी अकुलानी। प्रभु हँसि दीन्ह मधुर मुसुकानी।।
दोहा/सोरठा
देखरावा मातहि निज अदभुत रुप अखंड।
रोम रोम प्रति लागे कोटि कोटि ब्रह्मंड।। 201।।
चौपाई
अगनित रबि ससि सिव चतुरानन। बहु गिरि सरित सिंधु महि कानन।।
काल कर्म गुन ग्यान सुभाऊ। सोउ देखा जो सुना न काऊ।।
देखी माया सब बिधि गाढ़ी। अति सभीत जोरें कर ठाढ़ी।।
देखा जीव नचावइ जाही। देखी भगति जो छोरइ ताही।।
तन पुलकित मुख बचन न आवा। नयन मूदि चरननि सिरु नावा।।
बिसमयवंत देखि महतारी। भए बहुरि सिसुरूप खरारी।।
अस्तुति करि न जाइ भय माना। जगत पिता मैं सुत करि जाना।।
हरि जननि बहुबिधि समुझाई। यह जनि कतहुँ कहसि सुनु माई।।
दोहा/सोरठा
बार बार कौसल्या बिनय करइ कर जोरि।।
अब जनि कबहूँ ब्यापै प्रभु मोहि माया तोरि।। 202।।
चौपाई
ēka bāra jananīṃ anhavāē. kari siṃgāra palanāom pauḍhaāē..
nija kula iṣṭadēva bhagavānā. pūjā hētu kīnha asnānā..
kari pūjā naibēdya caḍhaāvā. āpu gaī jahaom pāka banāvā..
bahuri mātu tahavāom cali āī. bhōjana karata dēkha suta jāī..
gai jananī sisu pahiṃ bhayabhītā. dēkhā bāla tahāom puni sūtā..
bahuri āi dēkhā suta sōī. hṛdayaom kaṃpa mana dhīra na hōī..
ihāom uhāom dui bālaka dēkhā. matibhrama mōra ki āna bisēṣā..
dēkhi rāma jananī akulānī. prabhu haomsi dīnha madhura musukānī..
चौपाई
aganita rabi sasi siva caturānana. bahu giri sarita siṃdhu mahi kānana..
kāla karma guna gyāna subhāū. sōu dēkhā jō sunā na kāū..
dēkhī māyā saba bidhi gāḍhaī. ati sabhīta jōrēṃ kara ṭhāḍhaī..
dēkhā jīva nacāvai jāhī. dēkhī bhagati jō chōrai tāhī..
tana pulakita mukha bacana na āvā. nayana mūdi caranani siru nāvā..
bisamayavaṃta dēkhi mahatārī. bhaē bahuri sisurūpa kharārī..
astuti kari na jāi bhaya mānā. jagata pitā maiṃ suta kari jānā..
hari janani bahubidhi samujhāī. yaha jani katahuom kahasi sunu māī..
