चौपाई
बनइ न बरनत नगर निकाई। जहाँ जाइ मन तहँइँ लोभाई।।
चारु बजारु बिचित्र अँबारी। मनिमय बिधि जनु स्वकर सँवारी।।
धनिक बनिक बर धनद समाना। बैठ सकल बस्तु लै नाना।।
चौहट सुंदर गलीं सुहाई। संतत रहहिं सुगंध सिंचाई।।
मंगलमय मंदिर सब केरें। चित्रित जनु रतिनाथ चितेरें।।
पुर नर नारि सुभग सुचि संता। धरमसील ग्यानी गुनवंता।।
अति अनूप जहँ जनक निवासू। बिथकहिं बिबुध बिलोकि बिलासू।।
होत चकित चित कोट बिलोकी। सकल भुवन सोभा जनु रोकी।।
दोहा/सोरठा
धवल धाम मनि पुरट पट सुघटित नाना भाँति।
सिय निवास सुंदर सदन सोभा किमि कहि जाति।।213।।
चौपाई
सुभग द्वार सब कुलिस कपाटा। भूप भीर नट मागध भाटा।।
बनी बिसाल बाजि गज साला। हय गय रथ संकुल सब काला।।
सूर सचिव सेनप बहुतेरे। नृपगृह सरिस सदन सब केरे।।
पुर बाहेर सर सारित समीपा। उतरे जहँ तहँ बिपुल महीपा।।
देखि अनूप एक अँवराई। सब सुपास सब भाँति सुहाई।।
कौसिक कहेउ मोर मनु माना। इहाँ रहिअ रघुबीर सुजाना।।
भलेहिं नाथ कहि कृपानिकेता। उतरे तहँ मुनिबृंद समेता।।
बिस्वामित्र महामुनि आए। समाचार मिथिलापति पाए।।
दोहा/सोरठा
संग सचिव सुचि भूरि भट भूसुर बर गुर ग्याति।
चले मिलन मुनिनायकहि मुदित राउ एहि भाँति।।214।।
चौपाई
banai na baranata nagara nikāī. jahāom jāi mana tahaomiom lōbhāī..
cāru bajāru bicitra aombārī. manimaya bidhi janu svakara saomvārī..
dhanika banika bara dhanada samānā. baiṭha sakala bastu lai nānā..
cauhaṭa suṃdara galīṃ suhāī. saṃtata rahahiṃ sugaṃdha siṃcāī..
maṃgalamaya maṃdira saba kērēṃ. citrita janu ratinātha citērēṃ..
pura nara nāri subhaga suci saṃtā. dharamasīla gyānī gunavaṃtā..
ati anūpa jahaom janaka nivāsū. bithakahiṃ bibudha bilōki bilāsū..
hōta cakita cita kōṭa bilōkī. sakala bhuvana sōbhā janu rōkī..
चौपाई
subhaga dvāra saba kulisa kapāṭā. bhūpa bhīra naṭa māgadha bhāṭā..
banī bisāla bāji gaja sālā. haya gaya ratha saṃkula saba kālā..
sūra saciva sēnapa bahutērē. nṛpagṛha sarisa sadana saba kērē..
pura bāhēra sara sārita samīpā. utarē jahaom tahaom bipula mahīpā..
dēkhi anūpa ēka aomvarāī. saba supāsa saba bhāomti suhāī..
kausika kahēu mōra manu mānā. ihāom rahia raghubīra sujānā..
bhalēhiṃ nātha kahi kṛpānikētā. utarē tahaom munibṛṃda samētā..
bisvāmitra mahāmuni āē. samācāra mithilāpati pāē..
