चौपाई
कीन्ह प्रनामु चरन धरि माथा। दीन्हि असीस मुदित मुनिनाथा।।
बिप्रबृंद सब सादर बंदे। जानि भाग्य बड़ राउ अनंदे।।
कुसल प्रस्न कहि बारहिं बारा। बिस्वामित्र नृपहि बैठारा।।
तेहि अवसर आए दोउ भाई। गए रहे देखन फुलवाई।।
स्याम गौर मृदु बयस किसोरा। लोचन सुखद बिस्व चित चोरा।।
उठे सकल जब रघुपति आए। बिस्वामित्र निकट बैठाए।।
भए सब सुखी देखि दोउ भ्राता। बारि बिलोचन पुलकित गाता।।
मूरति मधुर मनोहर देखी। भयउ बिदेहु बिदेहु बिसेषी।।
दोहा/सोरठा
प्रेम मगन मनु जानि नृपु करि बिबेकु धरि धीर।
बोलेउ मुनि पद नाइ सिरु गदगद गिरा गभीर।।215।।
चौपाई
कहहु नाथ सुंदर दोउ बालक। मुनिकुल तिलक कि नृपकुल पालक।।
ब्रह्म जो निगम नेति कहि गावा। उभय बेष धरि की सोइ आवा।।
सहज बिरागरुप मनु मोरा। थकित होत जिमि चंद चकोरा।।
ताते प्रभु पूछउँ सतिभाऊ। कहहु नाथ जनि करहु दुराऊ।।
इन्हहि बिलोकत अति अनुरागा। बरबस ब्रह्मसुखहि मन त्यागा।।
कह मुनि बिहसि कहेहु नृप नीका। बचन तुम्हार न होइ अलीका।।
ए प्रिय सबहि जहाँ लगि प्रानी। मन मुसुकाहिं रामु सुनि बानी।।
रघुकुल मनि दसरथ के जाए। मम हित लागि नरेस पठाए।।
दोहा/सोरठा
रामु लखनु दोउ बंधुबर रूप सील बल धाम।
मख राखेउ सबु साखि जगु जिते असुर संग्राम।।216।।
चौपाई
kīnha pranāmu carana dhari māthā. dīnhi asīsa mudita munināthā..
biprabṛṃda saba sādara baṃdē. jāni bhāgya baḍa rāu anaṃdē..
kusala prasna kahi bārahiṃ bārā. bisvāmitra nṛpahi baiṭhārā..
tēhi avasara āē dōu bhāī. gaē rahē dēkhana phulavāī..
syāma gaura mṛdu bayasa kisōrā. lōcana sukhada bisva cita cōrā..
uṭhē sakala jaba raghupati āē. bisvāmitra nikaṭa baiṭhāē..
bhaē saba sukhī dēkhi dōu bhrātā. bāri bilōcana pulakita gātā..
mūrati madhura manōhara dēkhī. bhayau bidēhu bidēhu bisēṣī..
चौपाई
kahahu nātha suṃdara dōu bālaka. munikula tilaka ki nṛpakula pālaka..
brahma jō nigama nēti kahi gāvā. ubhaya bēṣa dhari kī sōi āvā..
sahaja birāgarupa manu mōrā. thakita hōta jimi caṃda cakōrā..
tātē prabhu pūchauom satibhāū. kahahu nātha jani karahu durāū..
inhahi bilōkata ati anurāgā. barabasa brahmasukhahi mana tyāgā..
kaha muni bihasi kahēhu nṛpa nīkā. bacana tumhāra na hōi alīkā..
ē priya sabahi jahāom lagi prānī. mana musukāhiṃ rāmu suni bānī..
raghukula mani dasaratha kē jāē. mama hita lāgi narēsa paṭhāē..
