चौपाई
सकल सौच करि जाइ नहाए। नित्य निबाहि मुनिहि सिर नाए।।
समय जानि गुर आयसु पाई। लेन प्रसून चले दोउ भाई।।
भूप बागु बर देखेउ जाई। जहँ बसंत रितु रही लोभाई।।
लागे बिटप मनोहर नाना। बरन बरन बर बेलि बिताना।।
नव पल्लव फल सुमान सुहाए। निज संपति सुर रूख लजाए।।
चातक कोकिल कीर चकोरा। कूजत बिहग नटत कल मोरा।।
मध्य बाग सरु सोह सुहावा। मनि सोपान बिचित्र बनावा।।
बिमल सलिलु सरसिज बहुरंगा। जलखग कूजत गुंजत भृंगा।।
दोहा/सोरठा
बागु तड़ागु बिलोकि प्रभु हरषे बंधु समेत।
परम रम्य आरामु यहु जो रामहि सुख देत।।227।।
चौपाई
चहुँ दिसि चितइ पूँछि मालिगन। लगे लेन दल फूल मुदित मन।।
तेहि अवसर सीता तहँ आई। गिरिजा पूजन जननि पठाई।।
संग सखीं सब सुभग सयानी। गावहिं गीत मनोहर बानी।।
सर समीप गिरिजा गृह सोहा। बरनि न जाइ देखि मनु मोहा।।
मज्जनु करि सर सखिन्ह समेता। गई मुदित मन गौरि निकेता।।
पूजा कीन्हि अधिक अनुरागा। निज अनुरूप सुभग बरु मागा।।
एक सखी सिय संगु बिहाई। गई रही देखन फुलवाई।।
तेहि दोउ बंधु बिलोके जाई। प्रेम बिबस सीता पहिं आई।।
दोहा/सोरठा
तासु दसा देखि सखिन्ह पुलक गात जलु नैन।
कहु कारनु निज हरष कर पूछहि सब मृदु बैन।।228।।
चौपाई
sakala sauca kari jāi nahāē. nitya nibāhi munihi sira nāē..
samaya jāni gura āyasu pāī. lēna prasūna calē dōu bhāī..
bhūpa bāgu bara dēkhēu jāī. jahaom basaṃta ritu rahī lōbhāī..
lāgē biṭapa manōhara nānā. barana barana bara bēli bitānā..
nava pallava phala sumāna suhāē. nija saṃpati sura rūkha lajāē..
cātaka kōkila kīra cakōrā. kūjata bihaga naṭata kala mōrā..
madhya bāga saru sōha suhāvā. mani sōpāna bicitra banāvā..
bimala salilu sarasija bahuraṃgā. jalakhaga kūjata guṃjata bhṛṃgā..
चौपाई
cahuom disi citai pūomchi māligana. lagē lēna dala phūla mudita mana..
tēhi avasara sītā tahaom āī. girijā pūjana janani paṭhāī..
saṃga sakhīṃ saba subhaga sayānī. gāvahiṃ gīta manōhara bānī..
sara samīpa girijā gṛha sōhā. barani na jāi dēkhi manu mōhā..
majjanu kari sara sakhinha samētā. gaī mudita mana gauri nikētā..
pūjā kīnhi adhika anurāgā. nija anurūpa subhaga baru māgā..
ēka sakhī siya saṃgu bihāī. gaī rahī dēkhana phulavāī..
tēhi dōu baṃdhu bilōkē jāī. prēma bibasa sītā pahiṃ āī..
