चौपाई
देखन बागु कुअँर दुइ आए। बय किसोर सब भाँति सुहाए।।
स्याम गौर किमि कहौं बखानी। गिरा अनयन नयन बिनु बानी।।
सुनि हरषीं सब सखीं सयानी। सिय हियँ अति उतकंठा जानी।।
एक कहइ नृपसुत तेइ आली। सुने जे मुनि सँग आए काली।।
जिन्ह निज रूप मोहनी डारी। कीन्ह स्वबस नगर नर नारी।।
बरनत छबि जहँ तहँ सब लोगू। अवसि देखिअहिं देखन जोगू।।
तासु वचन अति सियहि सुहाने। दरस लागि लोचन अकुलाने।।
चली अग्र करि प्रिय सखि सोई। प्रीति पुरातन लखइ न कोई।।
दोहा/सोरठा
सुमिरि सीय नारद बचन उपजी प्रीति पुनीत।।
चकित बिलोकति सकल दिसि जनु सिसु मृगी सभीत।।229।।
चौपाई
कंकन किंकिनि नूपुर धुनि सुनि। कहत लखन सन रामु हृदयँ गुनि।।
मानहुँ मदन दुंदुभी दीन्ही।।मनसा बिस्व बिजय कहँ कीन्ही।।
अस कहि फिरि चितए तेहि ओरा। सिय मुख ससि भए नयन चकोरा।।
भए बिलोचन चारु अचंचल। मनहुँ सकुचि निमि तजे दिगंचल।।
देखि सीय सोभा सुखु पावा। हृदयँ सराहत बचनु न आवा।।
जनु बिरंचि सब निज निपुनाई। बिरचि बिस्व कहँ प्रगटि देखाई।।
सुंदरता कहुँ सुंदर करई। छबिगृहँ दीपसिखा जनु बरई।।
सब उपमा कबि रहे जुठारी। केहिं पटतरौं बिदेहकुमारी।।
दोहा/सोरठा
सिय सोभा हियँ बरनि प्रभु आपनि दसा बिचारि।
बोले सुचि मन अनुज सन बचन समय अनुहारि।।230।।
चौपाई
dēkhana bāgu kuaomra dui āē. baya kisōra saba bhāomti suhāē..
syāma gaura kimi kahauṃ bakhānī. girā anayana nayana binu bānī..
suni haraṣīṃ saba sakhīṃ sayānī. siya hiyaom ati utakaṃṭhā jānī..
ēka kahai nṛpasuta tēi ālī. sunē jē muni saomga āē kālī..
jinha nija rūpa mōhanī ḍārī. kīnha svabasa nagara nara nārī..
baranata chabi jahaom tahaom saba lōgū. avasi dēkhiahiṃ dēkhana jōgū..
tāsu vacana ati siyahi suhānē. darasa lāgi lōcana akulānē..
calī agra kari priya sakhi sōī. prīti purātana lakhai na kōī..
चौपाई
kaṃkana kiṃkini nūpura dhuni suni. kahata lakhana sana rāmu hṛdayaom guni..
mānahuom madana duṃdubhī dīnhī..manasā bisva bijaya kahaom kīnhī..
asa kahi phiri citaē tēhi ōrā. siya mukha sasi bhaē nayana cakōrā..
bhaē bilōcana cāru acaṃcala. manahuom sakuci nimi tajē digaṃcala..
dēkhi sīya sōbhā sukhu pāvā. hṛdayaom sarāhata bacanu na āvā..
janu biraṃci saba nija nipunāī. biraci bisva kahaom pragaṭi dēkhāī..
suṃdaratā kahuom suṃdara karaī. chabigṛhaom dīpasikhā janu baraī..
saba upamā kabi rahē juṭhārī. kēhiṃ paṭatarauṃ bidēhakumārī..
