चौपाई
तात जनकतनया यह सोई। धनुषजग्य जेहि कारन होई।।
पूजन गौरि सखीं लै आई। करत प्रकासु फिरइ फुलवाई।।
जासु बिलोकि अलोकिक सोभा। सहज पुनीत मोर मनु छोभा।।
सो सबु कारन जान बिधाता। फरकहिं सुभद अंग सुनु भ्राता।।
रघुबंसिन्ह कर सहज सुभाऊ। मनु कुपंथ पगु धरइ न काऊ।।
मोहि अतिसय प्रतीति मन केरी। जेहिं सपनेहुँ परनारि न हेरी।।
जिन्ह कै लहहिं न रिपु रन पीठी। नहिं पावहिं परतिय मनु डीठी।।
मंगन लहहि न जिन्ह कै नाहीं। ते नरबर थोरे जग माहीं।।
दोहा/सोरठा
करत बतकहि अनुज सन मन सिय रूप लोभान।
मुख सरोज मकरंद छबि करइ मधुप इव पान।।231।।
चौपाई
चितवहि चकित चहूँ दिसि सीता। कहँ गए नृपकिसोर मनु चिंता।।
जहँ बिलोक मृग सावक नैनी। जनु तहँ बरिस कमल सित श्रेनी।।
लता ओट तब सखिन्ह लखाए। स्यामल गौर किसोर सुहाए।।
देखि रूप लोचन ललचाने। हरषे जनु निज निधि पहिचाने।।
थके नयन रघुपति छबि देखें। पलकन्हिहूँ परिहरीं निमेषें।।
अधिक सनेहँ देह भै भोरी। सरद ससिहि जनु चितव चकोरी।।
लोचन मग रामहि उर आनी। दीन्हे पलक कपाट सयानी।।
जब सिय सखिन्ह प्रेमबस जानी। कहि न सकहिं कछु मन सकुचानी।।
दोहा/सोरठा
लताभवन तें प्रगट भे तेहि अवसर दोउ भाइ।
निकसे जनु जुग बिमल बिधु जलद पटल बिलगाइ।।232।।
चौपाई
tāta janakatanayā yaha sōī. dhanuṣajagya jēhi kārana hōī..
pūjana gauri sakhīṃ lai āī. karata prakāsu phirai phulavāī..
jāsu bilōki alōkika sōbhā. sahaja punīta mōra manu chōbhā..
sō sabu kārana jāna bidhātā. pharakahiṃ subhada aṃga sunu bhrātā..
raghubaṃsinha kara sahaja subhāū. manu kupaṃtha pagu dharai na kāū..
mōhi atisaya pratīti mana kērī. jēhiṃ sapanēhuom paranāri na hērī..
jinha kai lahahiṃ na ripu rana pīṭhī. nahiṃ pāvahiṃ paratiya manu ḍīṭhī..
maṃgana lahahi na jinha kai nāhīṃ. tē narabara thōrē jaga māhīṃ..
चौपाई
citavahi cakita cahūom disi sītā. kahaom gaē nṛpakisōra manu ciṃtā..
jahaom bilōka mṛga sāvaka nainī. janu tahaom barisa kamala sita śrēnī..
latā ōṭa taba sakhinha lakhāē. syāmala gaura kisōra suhāē..
dēkhi rūpa lōcana lalacānē. haraṣē janu nija nidhi pahicānē..
thakē nayana raghupati chabi dēkhēṃ. palakanhihūom pariharīṃ nimēṣēṃ..
adhika sanēhaom dēha bhai bhōrī. sarada sasihi janu citava cakōrī..
lōcana maga rāmahi ura ānī. dīnhē palaka kapāṭa sayānī..
jaba siya sakhinha prēmabasa jānī. kahi na sakahiṃ kachu mana sakucānī..
