चौपाई
सोभा सीवँ सुभग दोउ बीरा। नील पीत जलजाभ सरीरा।।
मोरपंख सिर सोहत नीके। गुच्छ बीच बिच कुसुम कली के।।
भाल तिलक श्रमबिंदु सुहाए। श्रवन सुभग भूषन छबि छाए।।
बिकट भृकुटि कच घूघरवारे। नव सरोज लोचन रतनारे।।
चारु चिबुक नासिका कपोला। हास बिलास लेत मनु मोला।।
मुखछबि कहि न जाइ मोहि पाहीं। जो बिलोकि बहु काम लजाहीं।।
उर मनि माल कंबु कल गीवा। काम कलभ कर भुज बलसींवा।।
सुमन समेत बाम कर दोना। सावँर कुअँर सखी सुठि लोना।।
दोहा/सोरठा
केहरि कटि पट पीत धर सुषमा सील निधान।
देखि भानुकुलभूषनहि बिसरा सखिन्ह अपान।।233।।
चौपाई
धरि धीरजु एक आलि सयानी। सीता सन बोली गहि पानी।।
बहुरि गौरि कर ध्यान करेहू। भूपकिसोर देखि किन लेहू।।
सकुचि सीयँ तब नयन उघारे। सनमुख दोउ रघुसिंघ निहारे।।
नख सिख देखि राम कै सोभा। सुमिरि पिता पनु मनु अति छोभा।।
परबस सखिन्ह लखी जब सीता। भयउ गहरु सब कहहि सभीता।।
पुनि आउब एहि बेरिआँ काली। अस कहि मन बिहसी एक आली।।
गूढ़ गिरा सुनि सिय सकुचानी। भयउ बिलंबु मातु भय मानी।।
धरि बड़ि धीर रामु उर आने। फिरि अपनपउ पितुबस जाने।।
दोहा/सोरठा
देखन मिस मृग बिहग तरु फिरइ बहोरि बहोरि।
निरखि निरखि रघुबीर छबि बाढ़इ प्रीति न थोरि।। 234।।
चौपाई
sōbhā sīvaom subhaga dōu bīrā. nīla pīta jalajābha sarīrā..
mōrapaṃkha sira sōhata nīkē. guccha bīca bica kusuma kalī kē..
bhāla tilaka śramabiṃdu suhāē. śravana subhaga bhūṣana chabi chāē..
bikaṭa bhṛkuṭi kaca ghūgharavārē. nava sarōja lōcana ratanārē..
cāru cibuka nāsikā kapōlā. hāsa bilāsa lēta manu mōlā..
mukhachabi kahi na jāi mōhi pāhīṃ. jō bilōki bahu kāma lajāhīṃ..
ura mani māla kaṃbu kala gīvā. kāma kalabha kara bhuja balasīṃvā..
sumana samēta bāma kara dōnā. sāvaomra kuaomra sakhī suṭhi lōnā..
चौपाई
dhari dhīraju ēka āli sayānī. sītā sana bōlī gahi pānī..
bahuri gauri kara dhyāna karēhū. bhūpakisōra dēkhi kina lēhū..
sakuci sīyaom taba nayana ughārē. sanamukha dōu raghusiṃgha nihārē..
nakha sikha dēkhi rāma kai sōbhā. sumiri pitā panu manu ati chōbhā..
parabasa sakhinha lakhī jaba sītā. bhayau gaharu saba kahahi sabhītā..
puni āuba ēhi bēriāom kālī. asa kahi mana bihasī ēka ālī..
gūḍha girā suni siya sakucānī. bhayau bilaṃbu mātu bhaya mānī..
dhari baḍai dhīra rāmu ura ānē. phiri apanapau pitubasa jānē..
