चौपाई
नृप सब नखत करहिं उजिआरी। टारि न सकहिं चाप तम भारी।।
कमल कोक मधुकर खग नाना। हरषे सकल निसा अवसाना।।
ऐसेहिं प्रभु सब भगत तुम्हारे। होइहहिं टूटें धनुष सुखारे।।
उयउ भानु बिनु श्रम तम नासा। दुरे नखत जग तेजु प्रकासा।।
रबि निज उदय ब्याज रघुराया। प्रभु प्रतापु सब नृपन्ह दिखाया।।
तव भुज बल महिमा उदघाटी। प्रगटी धनु बिघटन परिपाटी।।
बंधु बचन सुनि प्रभु मुसुकाने। होइ सुचि सहज पुनीत नहाने।।
नित्यक्रिया करि गुरु पहिं आए। चरन सरोज सुभग सिर नाए।।
सतानंदु तब जनक बोलाए। कौसिक मुनि पहिं तुरत पठाए।।
जनक बिनय तिन्ह आइ सुनाई। हरषे बोलि लिए दोउ भाई।।
दोहा/सोरठा
सतानंदपद बंदि प्रभु बैठे गुर पहिं जाइ।
चलहु तात मुनि कहेउ तब पठवा जनक बोलाइ।।239।।
चौपाई
सीय स्वयंबरु देखिअ जाई। ईसु काहि धौं देइ बड़ाई।।
लखन कहा जस भाजनु सोई। नाथ कृपा तव जापर होई।।
हरषे मुनि सब सुनि बर बानी। दीन्हि असीस सबहिं सुखु मानी।।
पुनि मुनिबृंद समेत कृपाला। देखन चले धनुषमख साला।।
रंगभूमि आए दोउ भाई। असि सुधि सब पुरबासिन्ह पाई।।
चले सकल गृह काज बिसारी। बाल जुबान जरठ नर नारी।।
देखी जनक भीर भै भारी। सुचि सेवक सब लिए हँकारी।।
तुरत सकल लोगन्ह पहिं जाहू। आसन उचित देहू सब काहू।।
दोहा/सोरठा
कहि मृदु बचन बिनीत तिन्ह बैठारे नर नारि।
उत्तम मध्यम नीच लघु निज निज थल अनुहारि।।240।।
चौपाई
nṛpa saba nakhata karahiṃ ujiārī. ṭāri na sakahiṃ cāpa tama bhārī..
kamala kōka madhukara khaga nānā. haraṣē sakala nisā avasānā..
aisēhiṃ prabhu saba bhagata tumhārē. hōihahiṃ ṭūṭēṃ dhanuṣa sukhārē..
uyau bhānu binu śrama tama nāsā. durē nakhata jaga tēju prakāsā..
rabi nija udaya byāja raghurāyā. prabhu pratāpu saba nṛpanha dikhāyā..
tava bhuja bala mahimā udaghāṭī. pragaṭī dhanu bighaṭana paripāṭī..
baṃdhu bacana suni prabhu musukānē. hōi suci sahaja punīta nahānē..
nityakriyā kari guru pahiṃ āē. carana sarōja subhaga sira nāē..
satānaṃdu taba janaka bōlāē. kausika muni pahiṃ turata paṭhāē..
janaka binaya tinha āi sunāī. haraṣē bōli liē dōu bhāī..
चौपाई
sīya svayaṃbaru dēkhia jāī. īsu kāhi dhauṃ dēi baḍaāī..
lakhana kahā jasa bhājanu sōī. nātha kṛpā tava jāpara hōī..
haraṣē muni saba suni bara bānī. dīnhi asīsa sabahiṃ sukhu mānī..
puni munibṛṃda samēta kṛpālā. dēkhana calē dhanuṣamakha sālā..
raṃgabhūmi āē dōu bhāī. asi sudhi saba purabāsinha pāī..
calē sakala gṛha kāja bisārī. bāla jubāna jaraṭha nara nārī..
dēkhī janaka bhīra bhai bhārī. suci sēvaka saba liē haomkārī..
turata sakala lōganha pahiṃ jāhū. āsana ucita dēhū saba kāhū..
