चौपाई
काम कुसुम धनु सायक लीन्हे। सकल भुवन अपने बस कीन्हे।।
देबि तजिअ संसउ अस जानी। भंजब धनुष रामु सुनु रानी।।
सखी बचन सुनि भै परतीती। मिटा बिषादु बढ़ी अति प्रीती।।
तब रामहि बिलोकि बैदेही। सभय हृदयँ बिनवति जेहि तेही।।
मनहीं मन मनाव अकुलानी। होहु प्रसन्न महेस भवानी।।
करहु सफल आपनि सेवकाई। करि हितु हरहु चाप गरुआई।।
गननायक बरदायक देवा। आजु लगें कीन्हिउँ तुअ सेवा।।
बार बार बिनती सुनि मोरी। करहु चाप गुरुता अति थोरी।।
दोहा/सोरठा
देखि देखि रघुबीर तन सुर मनाव धरि धीर।।
भरे बिलोचन प्रेम जल पुलकावली सरीर।।257।।
चौपाई
नीकें निरखि नयन भरि सोभा। पितु पनु सुमिरि बहुरि मनु छोभा।।
अहह तात दारुनि हठ ठानी। समुझत नहिं कछु लाभु न हानी।।
सचिव सभय सिख देइ न कोई। बुध समाज बड़ अनुचित होई।।
कहँ धनु कुलिसहु चाहि कठोरा। कहँ स्यामल मृदुगात किसोरा।।
बिधि केहि भाँति धरौं उर धीरा। सिरस सुमन कन बेधिअ हीरा।।
सकल सभा कै मति भै भोरी। अब मोहि संभुचाप गति तोरी।।
निज जड़ता लोगन्ह पर डारी। होहि हरुअ रघुपतिहि निहारी।।
अति परिताप सीय मन माही। लव निमेष जुग सब सय जाहीं।।
दोहा/सोरठा
प्रभुहि चितइ पुनि चितव महि राजत लोचन लोल।
खेलत मनसिज मीन जुग जनु बिधु मंडल डोल।।258।।
चौपाई
kāma kusuma dhanu sāyaka līnhē. sakala bhuvana apanē basa kīnhē..
dēbi tajia saṃsau asa jānī. bhaṃjaba dhanuṣa rāmu sunu rānī..
sakhī bacana suni bhai paratītī. miṭā biṣādu baḍhaī ati prītī..
taba rāmahi bilōki baidēhī. sabhaya hṛdayaom binavati jēhi tēhī..
manahīṃ mana manāva akulānī. hōhu prasanna mahēsa bhavānī..
karahu saphala āpani sēvakāī. kari hitu harahu cāpa garuāī..
gananāyaka baradāyaka dēvā. āju lagēṃ kīnhiuom tua sēvā..
bāra bāra binatī suni mōrī. karahu cāpa gurutā ati thōrī..
चौपाई
nīkēṃ nirakhi nayana bhari sōbhā. pitu panu sumiri bahuri manu chōbhā..
ahaha tāta dāruni haṭha ṭhānī. samujhata nahiṃ kachu lābhu na hānī..
saciva sabhaya sikha dēi na kōī. budha samāja baḍa anucita hōī..
kahaom dhanu kulisahu cāhi kaṭhōrā. kahaom syāmala mṛdugāta kisōrā..
bidhi kēhi bhāomti dharauṃ ura dhīrā. sirasa sumana kana bēdhia hīrā..
sakala sabhā kai mati bhai bhōrī. aba mōhi saṃbhucāpa gati tōrī..
nija jaḍatā lōganha para ḍārī. hōhi harua raghupatihi nihārī..
ati paritāpa sīya mana māhī. lava nimēṣa juga saba saya jāhīṃ..
