चौपाई
गिरा अलिनि मुख पंकज रोकी। प्रगट न लाज निसा अवलोकी।।
लोचन जलु रह लोचन कोना। जैसे परम कृपन कर सोना।।
सकुची ब्याकुलता बड़ि जानी। धरि धीरजु प्रतीति उर आनी।।
तन मन बचन मोर पनु साचा। रघुपति पद सरोज चितु राचा।।
तौ भगवानु सकल उर बासी। करिहिं मोहि रघुबर कै दासी।।
जेहि कें जेहि पर सत्य सनेहू। सो तेहि मिलइ न कछु संहेहू।।
प्रभु तन चितइ प्रेम तन ठाना। कृपानिधान राम सबु जाना।।
सियहि बिलोकि तकेउ धनु कैसे। चितव गरुरु लघु ब्यालहि जैसे।।
दोहा/सोरठा
लखन लखेउ रघुबंसमनि ताकेउ हर कोदंडु।
पुलकि गात बोले बचन चरन चापि ब्रह्मांडु।।259।।
चौपाई
दिसकुंजरहु कमठ अहि कोला। धरहु धरनि धरि धीर न डोला।।
रामु चहहिं संकर धनु तोरा। होहु सजग सुनि आयसु मोरा।।
चाप सपीप रामु जब आए। नर नारिन्ह सुर सुकृत मनाए।।
सब कर संसउ अरु अग्यानू। मंद महीपन्ह कर अभिमानू।।
भृगुपति केरि गरब गरुआई। सुर मुनिबरन्ह केरि कदराई।।
सिय कर सोचु जनक पछितावा। रानिन्ह कर दारुन दुख दावा।।
संभुचाप बड बोहितु पाई। चढे जाइ सब संगु बनाई।।
राम बाहुबल सिंधु अपारू। चहत पारु नहि कोउ कड़हारू।।
दोहा/सोरठा
राम बिलोके लोग सब चित्र लिखे से देखि।
चितई सीय कृपायतन जानी बिकल बिसेषि।।260।।
चौपाई
girā alini mukha paṃkaja rōkī. pragaṭa na lāja nisā avalōkī..
lōcana jalu raha lōcana kōnā. jaisē parama kṛpana kara sōnā..
sakucī byākulatā baḍai jānī. dhari dhīraju pratīti ura ānī..
tana mana bacana mōra panu sācā. raghupati pada sarōja citu rācā..
tau bhagavānu sakala ura bāsī. karihiṃ mōhi raghubara kai dāsī..
jēhi kēṃ jēhi para satya sanēhū. sō tēhi milai na kachu saṃhēhū..
prabhu tana citai prēma tana ṭhānā. kṛpānidhāna rāma sabu jānā..
siyahi bilōki takēu dhanu kaisē. citava garuru laghu byālahi jaisē..
चौपाई
disakuṃjarahu kamaṭha ahi kōlā. dharahu dharani dhari dhīra na ḍōlā..
rāmu cahahiṃ saṃkara dhanu tōrā. hōhu sajaga suni āyasu mōrā..
cāpa sapīpa rāmu jaba āē. nara nārinha sura sukṛta manāē..
saba kara saṃsau aru agyānū. maṃda mahīpanha kara abhimānū..
bhṛgupati kēri garaba garuāī. sura munibaranha kēri kadarāī..
siya kara sōcu janaka pachitāvā. rāninha kara dāruna dukha dāvā..
saṃbhucāpa baḍa bōhitu pāī. caḍhē jāi saba saṃgu banāī..
rāma bāhubala siṃdhu apārū. cahata pāru nahi kōu kaḍahārū..
