चौपाई
देखी बिपुल बिकल बैदेही। निमिष बिहात कलप सम तेही।।
तृषित बारि बिनु जो तनु त्यागा। मुएँ करइ का सुधा तड़ागा।।
का बरषा सब कृषी सुखानें। समय चुकें पुनि का पछितानें।।
अस जियँ जानि जानकी देखी। प्रभु पुलके लखि प्रीति बिसेषी।।
गुरहि प्रनामु मनहि मन कीन्हा। अति लाघवँ उठाइ धनु लीन्हा।।
दमकेउ दामिनि जिमि जब लयऊ। पुनि नभ धनु मंडल सम भयऊ।।
लेत चढ़ावत खैंचत गाढ़ें। काहुँ न लखा देख सबु ठाढ़ें।।
तेहि छन राम मध्य धनु तोरा। भरे भुवन धुनि घोर कठोरा।।
चौपाई
प्रभु दोउ चापखंड महि डारे। देखि लोग सब भए सुखारे।।
कोसिकरुप पयोनिधि पावन। प्रेम बारि अवगाहु सुहावन।।
रामरूप राकेसु निहारी। बढ़त बीचि पुलकावलि भारी।।
बाजे नभ गहगहे निसाना। देवबधू नाचहिं करि गाना।।
ब्रह्मादिक सुर सिद्ध मुनीसा। प्रभुहि प्रसंसहि देहिं असीसा।।
बरिसहिं सुमन रंग बहु माला। गावहिं किंनर गीत रसाला।।
रही भुवन भरि जय जय बानी। धनुषभंग धुनि जात न जानी।।
मुदित कहहिं जहँ तहँ नर नारी। भंजेउ राम संभुधनु भारी।।
दोहा/सोरठा
बंदी मागध सूतगन बिरुद बदहिं मतिधीर।
करहिं निछावरि लोग सब हय गय धन मनि चीर।।262।।
चौपाई
dēkhī bipula bikala baidēhī. nimiṣa bihāta kalapa sama tēhī..
tṛṣita bāri binu jō tanu tyāgā. muēom karai kā sudhā taḍaāgā..
kā baraṣā saba kṛṣī sukhānēṃ. samaya cukēṃ puni kā pachitānēṃ..
asa jiyaom jāni jānakī dēkhī. prabhu pulakē lakhi prīti bisēṣī..
gurahi pranāmu manahi mana kīnhā. ati lāghavaom uṭhāi dhanu līnhā..
damakēu dāmini jimi jaba layaū. puni nabha dhanu maṃḍala sama bhayaū..
lēta caḍhaāvata khaiṃcata gāḍhaēṃ. kāhuom na lakhā dēkha sabu ṭhāḍhaēṃ..
tēhi chana rāma madhya dhanu tōrā. bharē bhuvana dhuni ghōra kaṭhōrā..
चौपाई
prabhu dōu cāpakhaṃḍa mahi ḍārē. dēkhi lōga saba bhaē sukhārē..
kōsikarupa payōnidhi pāvana. prēma bāri avagāhu suhāvana..
rāmarūpa rākēsu nihārī. baḍhata bīci pulakāvali bhārī..
bājē nabha gahagahē nisānā. dēvabadhū nācahiṃ kari gānā..
brahmādika sura siddha munīsā. prabhuhi prasaṃsahi dēhiṃ asīsā..
barisahiṃ sumana raṃga bahu mālā. gāvahiṃ kiṃnara gīta rasālā..
rahī bhuvana bhari jaya jaya bānī. dhanuṣabhaṃga dhuni jāta na jānī..
mudita kahahiṃ jahaom tahaom nara nārī. bhaṃjēu rāma saṃbhudhanu bhārī..
