चौपाई
कनक कलस भरि कोपर थारा। भाजन ललित अनेक प्रकारा।।
भरे सुधासम सब पकवाने। नाना भाँति न जाहिं बखाने।।
फल अनेक बर बस्तु सुहाईं। हरषि भेंट हित भूप पठाईं।।
भूषन बसन महामनि नाना। खग मृग हय गय बहुबिधि जाना।।
मंगल सगुन सुगंध सुहाए। बहुत भाँति महिपाल पठाए।।
दधि चिउरा उपहार अपारा। भरि भरि काँवरि चले कहारा।।
अगवानन्ह जब दीखि बराता।उर आनंदु पुलक भर गाता।।
देखि बनाव सहित अगवाना। मुदित बरातिन्ह हने निसाना।।
दोहा/सोरठा
हरषि परसपर मिलन हित कछुक चले बगमेल।
जनु आनंद समुद्र दुइ मिलत बिहाइ सुबेल।।305।।
चौपाई
बरषि सुमन सुर सुंदरि गावहिं। मुदित देव दुंदुभीं बजावहिं।।
बस्तु सकल राखीं नृप आगें। बिनय कीन्ह तिन्ह अति अनुरागें।।
प्रेम समेत रायँ सबु लीन्हा। भै बकसीस जाचकन्हि दीन्हा।।
करि पूजा मान्यता बड़ाई। जनवासे कहुँ चले लवाई।।
बसन बिचित्र पाँवड़े परहीं। देखि धनहु धन मदु परिहरहीं।।
अति सुंदर दीन्हेउ जनवासा। जहँ सब कहुँ सब भाँति सुपासा।।
जानी सियँ बरात पुर आई। कछु निज महिमा प्रगटि जनाई।।
हृदयँ सुमिरि सब सिद्धि बोलाई। भूप पहुनई करन पठाई।।
दोहा/सोरठा
सिधि सब सिय आयसु अकनि गईं जहाँ जनवास।
लिएँ संपदा सकल सुख सुरपुर भोग बिलास।।306।।
चौपाई
kanaka kalasa bhari kōpara thārā. bhājana lalita anēka prakārā..
bharē sudhāsama saba pakavānē. nānā bhāomti na jāhiṃ bakhānē..
phala anēka bara bastu suhāīṃ. haraṣi bhēṃṭa hita bhūpa paṭhāīṃ..
bhūṣana basana mahāmani nānā. khaga mṛga haya gaya bahubidhi jānā..
maṃgala saguna sugaṃdha suhāē. bahuta bhāomti mahipāla paṭhāē..
dadhi ciurā upahāra apārā. bhari bhari kāomvari calē kahārā..
agavānanha jaba dīkhi barātā.ura ānaṃdu pulaka bhara gātā..
dēkhi banāva sahita agavānā. mudita barātinha hanē nisānā..
चौपाई
baraṣi sumana sura suṃdari gāvahiṃ. mudita dēva duṃdubhīṃ bajāvahiṃ..
bastu sakala rākhīṃ nṛpa āgēṃ. binaya kīnha tinha ati anurāgēṃ..
prēma samēta rāyaom sabu līnhā. bhai bakasīsa jācakanhi dīnhā..
kari pūjā mānyatā baḍaāī. janavāsē kahuom calē lavāī..
basana bicitra pāomvaḍaē parahīṃ. dēkhi dhanahu dhana madu pariharahīṃ..
ati suṃdara dīnhēu janavāsā. jahaom saba kahuom saba bhāomti supāsā..
jānī siyaom barāta pura āī. kachu nija mahimā pragaṭi janāī..
hṛdayaom sumiri saba siddhi bōlāī. bhūpa pahunaī karana paṭhāī..
