चौपाई
निज निज बास बिलोकि बराती। सुर सुख सकल सुलभ सब भाँती।।
बिभव भेद कछु कोउ न जाना। सकल जनक कर करहिं बखाना।।
सिय महिमा रघुनायक जानी। हरषे हृदयँ हेतु पहिचानी।।
पितु आगमनु सुनत दोउ भाई। हृदयँ न अति आनंदु अमाई।।
सकुचन्ह कहि न सकत गुरु पाहीं। पितु दरसन लालचु मन माहीं।।
बिस्वामित्र बिनय बड़ि देखी। उपजा उर संतोषु बिसेषी।।
हरषि बंधु दोउ हृदयँ लगाए। पुलक अंग अंबक जल छाए।।
चले जहाँ दसरथु जनवासे। मनहुँ सरोबर तकेउ पिआसे।।
दोहा/सोरठा
भूप बिलोके जबहिं मुनि आवत सुतन्ह समेत।
उठे हरषि सुखसिंधु महुँ चले थाह सी लेत।।307।।
चौपाई
मुनिहि दंडवत कीन्ह महीसा। बार बार पद रज धरि सीसा।।
कौसिक राउ लिये उर लाई। कहि असीस पूछी कुसलाई।।
पुनि दंडवत करत दोउ भाई। देखि नृपति उर सुखु न समाई।।
सुत हियँ लाइ दुसह दुख मेटे। मृतक सरीर प्रान जनु भेंटे।।
पुनि बसिष्ठ पद सिर तिन्ह नाए। प्रेम मुदित मुनिबर उर लाए।।
बिप्र बृंद बंदे दुहुँ भाईं। मन भावती असीसें पाईं।।
भरत सहानुज कीन्ह प्रनामा। लिए उठाइ लाइ उर रामा।।
हरषे लखन देखि दोउ भ्राता। मिले प्रेम परिपूरित गाता।।
दोहा/सोरठा
पुरजन परिजन जातिजन जाचक मंत्री मीत।
मिले जथाबिधि सबहि प्रभु परम कृपाल बिनीत।।308।।
चौपाई
nija nija bāsa bilōki barātī. sura sukha sakala sulabha saba bhāomtī..
bibhava bhēda kachu kōu na jānā. sakala janaka kara karahiṃ bakhānā..
siya mahimā raghunāyaka jānī. haraṣē hṛdayaom hētu pahicānī..
pitu āgamanu sunata dōu bhāī. hṛdayaom na ati ānaṃdu amāī..
sakucanha kahi na sakata guru pāhīṃ. pitu darasana lālacu mana māhīṃ..
bisvāmitra binaya baḍai dēkhī. upajā ura saṃtōṣu bisēṣī..
haraṣi baṃdhu dōu hṛdayaom lagāē. pulaka aṃga aṃbaka jala chāē..
calē jahāom dasarathu janavāsē. manahuom sarōbara takēu piāsē..
चौपाई
munihi daṃḍavata kīnha mahīsā. bāra bāra pada raja dhari sīsā..
kausika rāu liyē ura lāī. kahi asīsa pūchī kusalāī..
puni daṃḍavata karata dōu bhāī. dēkhi nṛpati ura sukhu na samāī..
suta hiyaom lāi dusaha dukha mēṭē. mṛtaka sarīra prāna janu bhēṃṭē..
puni basiṣṭha pada sira tinha nāē. prēma mudita munibara ura lāē..
bipra bṛṃda baṃdē duhuom bhāīṃ. mana bhāvatī asīsēṃ pāīṃ..
bharata sahānuja kīnha pranāmā. liē uṭhāi lāi ura rāmā..
haraṣē lakhana dēkhi dōu bhrātā. milē prēma paripūrita gātā..
