चौपाई
रामहि देखि बरात जुड़ानी। प्रीति कि रीति न जाति बखानी।।
नृप समीप सोहहिं सुत चारी। जनु धन धरमादिक तनुधारी।।
सुतन्ह समेत दसरथहि देखी। मुदित नगर नर नारि बिसेषी।।
सुमन बरिसि सुर हनहिं निसाना। नाकनटीं नाचहिं करि गाना।।
सतानंद अरु बिप्र सचिव गन। मागध सूत बिदुष बंदीजन।।
सहित बरात राउ सनमाना। आयसु मागि फिरे अगवाना।।
प्रथम बरात लगन तें आई। तातें पुर प्रमोदु अधिकाई।।
ब्रह्मानंदु लोग सब लहहीं। बढ़हुँ दिवस निसि बिधि सन कहहीं।।
दोहा/सोरठा
रामु सीय सोभा अवधि सुकृत अवधि दोउ राज।
जहँ जहँ पुरजन कहहिं अस मिलि नर नारि समाज।।।309।।
चौपाई
जनक सुकृत मूरति बैदेही। दसरथ सुकृत रामु धरें देही।।
इन्ह सम काँहु न सिव अवराधे। काहिं न इन्ह समान फल लाधे।।
इन्ह सम कोउ न भयउ जग माहीं। है नहिं कतहूँ होनेउ नाहीं।।
हम सब सकल सुकृत कै रासी। भए जग जनमि जनकपुर बासी।।
जिन्ह जानकी राम छबि देखी। को सुकृती हम सरिस बिसेषी।।
पुनि देखब रघुबीर बिआहू। लेब भली बिधि लोचन लाहू।।
कहहिं परसपर कोकिलबयनीं। एहि बिआहँ बड़ लाभु सुनयनीं।।
बड़ें भाग बिधि बात बनाई। नयन अतिथि होइहहिं दोउ भाई।।
दोहा/सोरठा
बारहिं बार सनेह बस जनक बोलाउब सीय।
लेन आइहहिं बंधु दोउ कोटि काम कमनीय।।310।।
चौपाई
rāmahi dēkhi barāta juḍaānī. prīti ki rīti na jāti bakhānī..
nṛpa samīpa sōhahiṃ suta cārī. janu dhana dharamādika tanudhārī..
sutanha samēta dasarathahi dēkhī. mudita nagara nara nāri bisēṣī..
sumana barisi sura hanahiṃ nisānā. nākanaṭīṃ nācahiṃ kari gānā..
satānaṃda aru bipra saciva gana. māgadha sūta biduṣa baṃdījana..
sahita barāta rāu sanamānā. āyasu māgi phirē agavānā..
prathama barāta lagana tēṃ āī. tātēṃ pura pramōdu adhikāī..
brahmānaṃdu lōga saba lahahīṃ. baḍhahuom divasa nisi bidhi sana kahahīṃ..
चौपाई
janaka sukṛta mūrati baidēhī. dasaratha sukṛta rāmu dharēṃ dēhī..
inha sama kāomhu na siva avarādhē. kāhiṃ na inha samāna phala lādhē..
inha sama kōu na bhayau jaga māhīṃ. hai nahiṃ katahūom hōnēu nāhīṃ..
hama saba sakala sukṛta kai rāsī. bhaē jaga janami janakapura bāsī..
jinha jānakī rāma chabi dēkhī. kō sukṛtī hama sarisa bisēṣī..
puni dēkhaba raghubīra biāhū. lēba bhalī bidhi lōcana lāhū..
kahahiṃ parasapara kōkilabayanīṃ. ēhi biāhaom baḍa lābhu sunayanīṃ..
baḍaēṃ bhāga bidhi bāta banāī. nayana atithi hōihahiṃ dōu bhāī..
