चौपाई
बिबिध भाँति होइहि पहुनाई। प्रिय न काहि अस सासुर माई।।
तब तब राम लखनहि निहारी। होइहहिं सब पुर लोग सुखारी।।
सखि जस राम लखनकर जोटा। तैसेइ भूप संग दुइ ढोटा।।
स्याम गौर सब अंग सुहाए। ते सब कहहिं देखि जे आए।।
कहा एक मैं आजु निहारे। जनु बिरंचि निज हाथ सँवारे।।
भरतु रामही की अनुहारी। सहसा लखि न सकहिं नर नारी।।
लखनु सत्रुसूदनु एकरूपा। नख सिख ते सब अंग अनूपा।।
मन भावहिं मुख बरनि न जाहीं। उपमा कहुँ त्रिभुवन कोउ नाहीं।।
चौपाई
एहि बिधि सकल मनोरथ करहीं। आनँद उमगि उमगि उर भरहीं।।
जे नृप सीय स्वयंबर आए। देखि बंधु सब तिन्ह सुख पाए।।
कहत राम जसु बिसद बिसाला। निज निज भवन गए महिपाला।।
गए बीति कुछ दिन एहि भाँती। प्रमुदित पुरजन सकल बराती।।
मंगल मूल लगन दिनु आवा। हिम रितु अगहनु मासु सुहावा।।
ग्रह तिथि नखतु जोगु बर बारू। लगन सोधि बिधि कीन्ह बिचारू।।
पठै दीन्हि नारद सन सोई। गनी जनक के गनकन्ह जोई।।
सुनी सकल लोगन्ह यह बाता। कहहिं जोतिषी आहिं बिधाता।।
दोहा/सोरठा
धेनुधूरि बेला बिमल सकल सुमंगल मूल।
बिप्रन्ह कहेउ बिदेह सन जानि सगुन अनुकुल।।312।।
चौपाई
bibidha bhāomti hōihi pahunāī. priya na kāhi asa sāsura māī..
taba taba rāma lakhanahi nihārī. hōihahiṃ saba pura lōga sukhārī..
sakhi jasa rāma lakhanakara jōṭā. taisēi bhūpa saṃga dui ḍhōṭā..
syāma gaura saba aṃga suhāē. tē saba kahahiṃ dēkhi jē āē..
kahā ēka maiṃ āju nihārē. janu biraṃci nija hātha saomvārē..
bharatu rāmahī kī anuhārī. sahasā lakhi na sakahiṃ nara nārī..
lakhanu satrusūdanu ēkarūpā. nakha sikha tē saba aṃga anūpā..
mana bhāvahiṃ mukha barani na jāhīṃ. upamā kahuom tribhuvana kōu nāhīṃ..
चौपाई
ēhi bidhi sakala manōratha karahīṃ. ānaomda umagi umagi ura bharahīṃ..
jē nṛpa sīya svayaṃbara āē. dēkhi baṃdhu saba tinha sukha pāē..
kahata rāma jasu bisada bisālā. nija nija bhavana gaē mahipālā..
gaē bīti kucha dina ēhi bhāomtī. pramudita purajana sakala barātī..
maṃgala mūla lagana dinu āvā. hima ritu agahanu māsu suhāvā..
graha tithi nakhatu jōgu bara bārū. lagana sōdhi bidhi kīnha bicārū..
paṭhai dīnhi nārada sana sōī. ganī janaka kē ganakanha jōī..
sunī sakala lōganha yaha bātā. kahahiṃ jōtiṣī āhiṃ bidhātā..
