चौपाई
उपरोहितहि कहेउ नरनाहा। अब बिलंब कर कारनु काहा।।
सतानंद तब सचिव बोलाए। मंगल सकल साजि सब ल्याए।।
संख निसान पनव बहु बाजे। मंगल कलस सगुन सुभ साजे।।
सुभग सुआसिनि गावहिं गीता। करहिं बेद धुनि बिप्र पुनीता।।
लेन चले सादर एहि भाँती। गए जहाँ जनवास बराती।।
कोसलपति कर देखि समाजू। अति लघु लाग तिन्हहि सुरराजू।।
भयउ समउ अब धारिअ पाऊ। यह सुनि परा निसानहिं घाऊ।।
गुरहि पूछि करि कुल बिधि राजा। चले संग मुनि साधु समाजा।।
दोहा/सोरठा
भाग्य बिभव अवधेस कर देखि देव ब्रह्मादि।
लगे सराहन सहस मुख जानि जनम निज बादि।।313।।
चौपाई
सुरन्ह सुमंगल अवसरु जाना। बरषहिं सुमन बजाइ निसाना।।
सिव ब्रह्मादिक बिबुध बरूथा। चढ़े बिमानन्हि नाना जूथा।।
प्रेम पुलक तन हृदयँ उछाहू। चले बिलोकन राम बिआहू।।
देखि जनकपुरु सुर अनुरागे। निज निज लोक सबहिं लघु लागे।।
चितवहिं चकित बिचित्र बिताना। रचना सकल अलौकिक नाना।।
नगर नारि नर रूप निधाना। सुघर सुधरम सुसील सुजाना।।
तिन्हहि देखि सब सुर सुरनारीं। भए नखत जनु बिधु उजिआरीं।।
बिधिहि भयह आचरजु बिसेषी। निज करनी कछु कतहुँ न देखी।।
दोहा/सोरठा
सिवँ समुझाए देव सब जनि आचरज भुलाहु।
हृदयँ बिचारहु धीर धरि सिय रघुबीर बिआहु।।314।।
चौपाई
uparōhitahi kahēu naranāhā. aba bilaṃba kara kāranu kāhā..
satānaṃda taba saciva bōlāē. maṃgala sakala sāji saba lyāē..
saṃkha nisāna panava bahu bājē. maṃgala kalasa saguna subha sājē..
subhaga suāsini gāvahiṃ gītā. karahiṃ bēda dhuni bipra punītā..
lēna calē sādara ēhi bhāomtī. gaē jahāom janavāsa barātī..
kōsalapati kara dēkhi samājū. ati laghu lāga tinhahi surarājū..
bhayau samau aba dhāria pāū. yaha suni parā nisānahiṃ ghāū..
gurahi pūchi kari kula bidhi rājā. calē saṃga muni sādhu samājā..
चौपाई
suranha sumaṃgala avasaru jānā. baraṣahiṃ sumana bajāi nisānā..
siva brahmādika bibudha barūthā. caḍhaē bimānanhi nānā jūthā..
prēma pulaka tana hṛdayaom uchāhū. calē bilōkana rāma biāhū..
dēkhi janakapuru sura anurāgē. nija nija lōka sabahiṃ laghu lāgē..
citavahiṃ cakita bicitra bitānā. racanā sakala alaukika nānā..
nagara nāri nara rūpa nidhānā. sughara sudharama susīla sujānā..
tinhahi dēkhi saba sura suranārīṃ. bhaē nakhata janu bidhu ujiārīṃ..
bidhihi bhayaha ācaraju bisēṣī. nija karanī kachu katahuom na dēkhī..
