चौपाई
जेहिं बर बाजि रामु असवारा। तेहि सारदउ न बरनै पारा।।
संकरु राम रूप अनुरागे। नयन पंचदस अति प्रिय लागे।।
हरि हित सहित रामु जब जोहे। रमा समेत रमापति मोहे।।
निरखि राम छबि बिधि हरषाने। आठइ नयन जानि पछिताने।।
सुर सेनप उर बहुत उछाहू। बिधि ते डेवढ़ लोचन लाहू।।
रामहि चितव सुरेस सुजाना। गौतम श्रापु परम हित माना।।
देव सकल सुरपतिहि सिहाहीं। आजु पुरंदर सम कोउ नाहीं।।
मुदित देवगन रामहि देखी। नृपसमाज दुहुँ हरषु बिसेषी।।
चौपाई
बिधुबदनीं सब सब मृगलोचनि। सब निज तन छबि रति मदु मोचनि।।
पहिरें बरन बरन बर चीरा। सकल बिभूषन सजें सरीरा।।
सकल सुमंगल अंग बनाएँ। करहिं गान कलकंठि लजाएँ।।
कंकन किंकिनि नूपुर बाजहिं। चालि बिलोकि काम गज लाजहिं।।
बाजहिं बाजने बिबिध प्रकारा। नभ अरु नगर सुमंगलचारा।।
सची सारदा रमा भवानी। जे सुरतिय सुचि सहज सयानी।।
कपट नारि बर बेष बनाई। मिलीं सकल रनिवासहिं जाई।।
करहिं गान कल मंगल बानीं। हरष बिबस सब काहुँ न जानी।।
चौपाई
jēhiṃ bara bāji rāmu asavārā. tēhi sāradau na baranai pārā..
saṃkaru rāma rūpa anurāgē. nayana paṃcadasa ati priya lāgē..
hari hita sahita rāmu jaba jōhē. ramā samēta ramāpati mōhē..
nirakhi rāma chabi bidhi haraṣānē. āṭhai nayana jāni pachitānē..
sura sēnapa ura bahuta uchāhū. bidhi tē ḍēvaḍha lōcana lāhū..
rāmahi citava surēsa sujānā. gautama śrāpu parama hita mānā..
dēva sakala surapatihi sihāhīṃ. āju puraṃdara sama kōu nāhīṃ..
mudita dēvagana rāmahi dēkhī. nṛpasamāja duhuom haraṣu bisēṣī..
चौपाई
bidhubadanīṃ saba saba mṛgalōcani. saba nija tana chabi rati madu mōcani..
pahirēṃ barana barana bara cīrā. sakala bibhūṣana sajēṃ sarīrā..
sakala sumaṃgala aṃga banāēom. karahiṃ gāna kalakaṃṭhi lajāēom..
kaṃkana kiṃkini nūpura bājahiṃ. cāli bilōki kāma gaja lājahiṃ..
bājahiṃ bājanē bibidha prakārā. nabha aru nagara sumaṃgalacārā..
sacī sāradā ramā bhavānī. jē suratiya suci sahaja sayānī..
kapaṭa nāri bara bēṣa banāī. milīṃ sakala ranivāsahiṃ jāī..
karahiṃ gāna kala maṃgala bānīṃ. haraṣa bibasa saba kāhuom na jānī..
