चौपाई
बहुरि कीन्ह कोसलपति पूजा। जानि ईस सम भाउ न दूजा।।
कीन्ह जोरि कर बिनय बड़ाई। कहि निज भाग्य बिभव बहुताई।।
पूजे भूपति सकल बराती। समधि सम सादर सब भाँती।।
आसन उचित दिए सब काहू। कहौं काह मूख एक उछाहू।।
सकल बरात जनक सनमानी। दान मान बिनती बर बानी।।
बिधि हरि हरु दिसिपति दिनराऊ। जे जानहिं रघुबीर प्रभाऊ।।
कपट बिप्र बर बेष बनाएँ। कौतुक देखहिं अति सचु पाएँ।।
पूजे जनक देव सम जानें। दिए सुआसन बिनु पहिचानें।।
चौपाई
समउ बिलोकि बसिष्ठ बोलाए। सादर सतानंदु सुनि आए।।
बेगि कुअँरि अब आनहु जाई। चले मुदित मुनि आयसु पाई।।
रानी सुनि उपरोहित बानी। प्रमुदित सखिन्ह समेत सयानी।।
बिप्र बधू कुलबृद्ध बोलाईं। करि कुल रीति सुमंगल गाईं।।
नारि बेष जे सुर बर बामा। सकल सुभायँ सुंदरी स्यामा।।
तिन्हहि देखि सुखु पावहिं नारीं। बिनु पहिचानि प्रानहु ते प्यारीं।।
बार बार सनमानहिं रानी। उमा रमा सारद सम जानी।।
सीय सँवारि समाजु बनाई। मुदित मंडपहिं चलीं लवाई।।
चौपाई
bahuri kīnha kōsalapati pūjā. jāni īsa sama bhāu na dūjā..
kīnha jōri kara binaya baḍaāī. kahi nija bhāgya bibhava bahutāī..
pūjē bhūpati sakala barātī. samadhi sama sādara saba bhāomtī..
āsana ucita diē saba kāhū. kahauṃ kāha mūkha ēka uchāhū..
sakala barāta janaka sanamānī. dāna māna binatī bara bānī..
bidhi hari haru disipati dinarāū. jē jānahiṃ raghubīra prabhāū..
kapaṭa bipra bara bēṣa banāēom. kautuka dēkhahiṃ ati sacu pāēom..
pūjē janaka dēva sama jānēṃ. diē suāsana binu pahicānēṃ..
चौपाई
samau bilōki basiṣṭha bōlāē. sādara satānaṃdu suni āē..
bēgi kuaomri aba ānahu jāī. calē mudita muni āyasu pāī..
rānī suni uparōhita bānī. pramudita sakhinha samēta sayānī..
bipra badhū kulabṛddha bōlāīṃ. kari kula rīti sumaṃgala gāīṃ..
nāri bēṣa jē sura bara bāmā. sakala subhāyaom suṃdarī syāmā..
tinhahi dēkhi sukhu pāvahiṃ nārīṃ. binu pahicāni prānahu tē pyārīṃ..
bāra bāra sanamānahiṃ rānī. umā ramā sārada sama jānī..
sīya saomvāri samāju banāī. mudita maṃḍapahiṃ calīṃ lavāī..
