चौपाई
सिय सुंदरता बरनि न जाई। लघु मति बहुत मनोहरताई।।
आवत दीखि बरातिन्ह सीता।।रूप रासि सब भाँति पुनीता।।
सबहि मनहिं मन किए प्रनामा। देखि राम भए पूरनकामा।।
हरषे दसरथ सुतन्ह समेता। कहि न जाइ उर आनँदु जेता।।
सुर प्रनामु करि बरसहिं फूला। मुनि असीस धुनि मंगल मूला।।
गान निसान कोलाहलु भारी। प्रेम प्रमोद मगन नर नारी।।
एहि बिधि सीय मंडपहिं आई। प्रमुदित सांति पढ़हिं मुनिराई।।
तेहि अवसर कर बिधि ब्यवहारू। दुहुँ कुलगुर सब कीन्ह अचारू।।
चौपाई
जनक पाटमहिषी जग जानी। सीय मातु किमि जाइ बखानी।।
सुजसु सुकृत सुख सुदंरताई। सब समेटि बिधि रची बनाई।।
समउ जानि मुनिबरन्ह बोलाई। सुनत सुआसिनि सादर ल्याई।।
जनक बाम दिसि सोह सुनयना। हिमगिरि संग बनि जनु मयना।।
कनक कलस मनि कोपर रूरे। सुचि सुंगध मंगल जल पूरे।।
निज कर मुदित रायँ अरु रानी। धरे राम के आगें आनी।।
पढ़हिं बेद मुनि मंगल बानी। गगन सुमन झरि अवसरु जानी।।
बरु बिलोकि दंपति अनुरागे। पाय पुनीत पखारन लागे।।
चौपाई
siya suṃdaratā barani na jāī. laghu mati bahuta manōharatāī..
āvata dīkhi barātinha sītā..rūpa rāsi saba bhāomti punītā..
sabahi manahiṃ mana kiē pranāmā. dēkhi rāma bhaē pūranakāmā..
haraṣē dasaratha sutanha samētā. kahi na jāi ura ānaomdu jētā..
sura pranāmu kari barasahiṃ phūlā. muni asīsa dhuni maṃgala mūlā..
gāna nisāna kōlāhalu bhārī. prēma pramōda magana nara nārī..
ēhi bidhi sīya maṃḍapahiṃ āī. pramudita sāṃti paḍhahiṃ munirāī..
tēhi avasara kara bidhi byavahārū. duhuom kulagura saba kīnha acārū..
चौपाई
janaka pāṭamahiṣī jaga jānī. sīya mātu kimi jāi bakhānī..
sujasu sukṛta sukha sudaṃratāī. saba samēṭi bidhi racī banāī..
samau jāni munibaranha bōlāī. sunata suāsini sādara lyāī..
janaka bāma disi sōha sunayanā. himagiri saṃga bani janu mayanā..
kanaka kalasa mani kōpara rūrē. suci suṃgadha maṃgala jala pūrē..
nija kara mudita rāyaom aru rānī. dharē rāma kē āgēṃ ānī..
paḍhahiṃ bēda muni maṃgala bānī. gagana sumana jhari avasaru jānī..
baru bilōki daṃpati anurāgē. pāya punīta pakhārana lāgē..
