चौपाई
कुअँरु कुअँरि कल भावँरि देहीं।।नयन लाभु सब सादर लेहीं।।
जाइ न बरनि मनोहर जोरी। जो उपमा कछु कहौं सो थोरी।।
राम सीय सुंदर प्रतिछाहीं। जगमगात मनि खंभन माहीं ।
मनहुँ मदन रति धरि बहु रूपा। देखत राम बिआहु अनूपा।।
दरस लालसा सकुच न थोरी। प्रगटत दुरत बहोरि बहोरी।।
भए मगन सब देखनिहारे। जनक समान अपान बिसारे।।
प्रमुदित मुनिन्ह भावँरी फेरी। नेगसहित सब रीति निबेरीं।।
राम सीय सिर सेंदुर देहीं। सोभा कहि न जाति बिधि केहीं।।
अरुन पराग जलजु भरि नीकें। ससिहि भूष अहि लोभ अमी कें।।
बहुरि बसिष्ठ दीन्ह अनुसासन। बरु दुलहिनि बैठे एक आसन।।
चौपाई
जसि रघुबीर ब्याह बिधि बरनी। सकल कुअँर ब्याहे तेहिं करनी।।
कहि न जाइ कछु दाइज भूरी। रहा कनक मनि मंडपु पूरी।।
कंबल बसन बिचित्र पटोरे। भाँति भाँति बहु मोल न थोरे।।
गज रथ तुरग दास अरु दासी। धेनु अलंकृत कामदुहा सी।।
बस्तु अनेक करिअ किमि लेखा। कहि न जाइ जानहिं जिन्ह देखा।।
लोकपाल अवलोकि सिहाने। लीन्ह अवधपति सबु सुखु माने।।
दीन्ह जाचकन्हि जो जेहि भावा। उबरा सो जनवासेहिं आवा।।
तब कर जोरि जनकु मृदु बानी। बोले सब बरात सनमानी।।
चौपाई
kuaomru kuaomri kala bhāvaomri dēhīṃ..nayana lābhu saba sādara lēhīṃ..
jāi na barani manōhara jōrī. jō upamā kachu kahauṃ sō thōrī..
rāma sīya suṃdara pratichāhīṃ. jagamagāta mani khaṃbhana māhīṃ .
manahuom madana rati dhari bahu rūpā. dēkhata rāma biāhu anūpā..
darasa lālasā sakuca na thōrī. pragaṭata durata bahōri bahōrī..
bhaē magana saba dēkhanihārē. janaka samāna apāna bisārē..
pramudita muninha bhāvaomrī phērī. nēgasahita saba rīti nibērīṃ..
rāma sīya sira sēṃdura dēhīṃ. sōbhā kahi na jāti bidhi kēhīṃ..
aruna parāga jalaju bhari nīkēṃ. sasihi bhūṣa ahi lōbha amī kēṃ..
bahuri basiṣṭha dīnha anusāsana. baru dulahini baiṭhē ēka āsana..
चौपाई
jasi raghubīra byāha bidhi baranī. sakala kuaomra byāhē tēhiṃ karanī..
kahi na jāi kachu dāija bhūrī. rahā kanaka mani maṃḍapu pūrī..
kaṃbala basana bicitra paṭōrē. bhāomti bhāomti bahu mōla na thōrē..
gaja ratha turaga dāsa aru dāsī. dhēnu alaṃkṛta kāmaduhā sī..
bastu anēka karia kimi lēkhā. kahi na jāi jānahiṃ jinha dēkhā..
lōkapāla avalōki sihānē. līnha avadhapati sabu sukhu mānē..
dīnha jācakanhi jō jēhi bhāvā. ubarā sō janavāsēhiṃ āvā..
taba kara jōri janaku mṛdu bānī. bōlē saba barāta sanamānī..
