चौपाई
स्याम सरीरु सुभायँ सुहावन। सोभा कोटि मनोज लजावन।।
जावक जुत पद कमल सुहाए। मुनि मन मधुप रहत जिन्ह छाए।।
पीत पुनीत मनोहर धोती। हरति बाल रबि दामिनि जोती।।
कल किंकिनि कटि सूत्र मनोहर। बाहु बिसाल बिभूषन सुंदर।।
पीत जनेउ महाछबि देई। कर मुद्रिका चोरि चितु लेई।।
सोहत ब्याह साज सब साजे। उर आयत उरभूषन राजे।।
पिअर उपरना काखासोती। दुहुँ आँचरन्हि लगे मनि मोती।।
नयन कमल कल कुंडल काना। बदनु सकल सौंदर्ज निधाना।।
सुंदर भृकुटि मनोहर नासा। भाल तिलकु रुचिरता निवासा।।
सोहत मौरु मनोहर माथे। मंगलमय मुकुता मनि गाथे।।
चौपाई
पुनि जेवनार भई बहु भाँती। पठए जनक बोलाइ बराती।।
परत पाँवड़े बसन अनूपा। सुतन्ह समेत गवन कियो भूपा।।
सादर सबके पाय पखारे। जथाजोगु पीढ़न्ह बैठारे।।
धोए जनक अवधपति चरना। सीलु सनेहु जाइ नहिं बरना।।
बहुरि राम पद पंकज धोए। जे हर हृदय कमल महुँ गोए।।
तीनिउ भाई राम सम जानी। धोए चरन जनक निज पानी।।
आसन उचित सबहि नृप दीन्हे। बोलि सूपकारी सब लीन्हे।।
सादर लगे परन पनवारे। कनक कील मनि पान सँवारे।।
दोहा/सोरठा
सूपोदन सुरभी सरपि सुंदर स्वादु पुनीत।
छन महुँ सब कें परुसि गे चतुर सुआर बिनीत।।328।।
चौपाई
syāma sarīru subhāyaom suhāvana. sōbhā kōṭi manōja lajāvana..
jāvaka juta pada kamala suhāē. muni mana madhupa rahata jinha chāē..
pīta punīta manōhara dhōtī. harati bāla rabi dāmini jōtī..
kala kiṃkini kaṭi sūtra manōhara. bāhu bisāla bibhūṣana suṃdara..
pīta janēu mahāchabi dēī. kara mudrikā cōri citu lēī..
sōhata byāha sāja saba sājē. ura āyata urabhūṣana rājē..
piara uparanā kākhāsōtī. duhuom āomcaranhi lagē mani mōtī..
nayana kamala kala kuṃḍala kānā. badanu sakala sauṃdarja nidhānā..
suṃdara bhṛkuṭi manōhara nāsā. bhāla tilaku ruciratā nivāsā..
sōhata mauru manōhara māthē. maṃgalamaya mukutā mani gāthē..
चौपाई
puni jēvanāra bhaī bahu bhāomtī. paṭhaē janaka bōlāi barātī..
parata pāomvaḍaē basana anūpā. sutanha samēta gavana kiyō bhūpā..
sādara sabakē pāya pakhārē. jathājōgu pīḍhanha baiṭhārē..
dhōē janaka avadhapati caranā. sīlu sanēhu jāi nahiṃ baranā..
bahuri rāma pada paṃkaja dhōē. jē hara hṛdaya kamala mahuom gōē..
tīniu bhāī rāma sama jānī. dhōē carana janaka nija pānī..
āsana ucita sabahi nṛpa dīnhē. bōli sūpakārī saba līnhē..
sādara lagē parana panavārē. kanaka kīla mani pāna saomvārē..
