चौपाई
बहुबिधि भूप सुता समुझाई। नारिधरमु कुलरीति सिखाई।।
दासीं दास दिए बहुतेरे। सुचि सेवक जे प्रिय सिय केरे।।
सीय चलत ब्याकुल पुरबासी। होहिं सगुन सुभ मंगल रासी।।
भूसुर सचिव समेत समाजा। संग चले पहुँचावन राजा।।
समय बिलोकि बाजने बाजे। रथ गज बाजि बरातिन्ह साजे।।
दसरथ बिप्र बोलि सब लीन्हे। दान मान परिपूरन कीन्हे।।
चरन सरोज धूरि धरि सीसा। मुदित महीपति पाइ असीसा।।
सुमिरि गजाननु कीन्ह पयाना। मंगलमूल सगुन भए नाना।।
दोहा/सोरठा
सुर प्रसून बरषहि हरषि करहिं अपछरा गान।
चले अवधपति अवधपुर मुदित बजाइ निसान।।339।।
चौपाई
नृप करि बिनय महाजन फेरे। सादर सकल मागने टेरे।।
भूषन बसन बाजि गज दीन्हे। प्रेम पोषि ठाढ़े सब कीन्हे।।
बार बार बिरिदावलि भाषी। फिरे सकल रामहि उर राखी।।
बहुरि बहुरि कोसलपति कहहीं। जनकु प्रेमबस फिरै न चहहीं।।
पुनि कह भूपति बचन सुहाए। फिरिअ महीस दूरि बड़ि आए।।
राउ बहोरि उतरि भए ठाढ़े। प्रेम प्रबाह बिलोचन बाढ़े।।
तब बिदेह बोले कर जोरी। बचन सनेह सुधाँ जनु बोरी।।
करौ कवन बिधि बिनय बनाई। महाराज मोहि दीन्हि बड़ाई।।
दोहा/सोरठा
कोसलपति समधी सजन सनमाने सब भाँति।
मिलनि परसपर बिनय अति प्रीति न हृदयँ समाति।।340।।
चौपाई
bahubidhi bhūpa sutā samujhāī. nāridharamu kularīti sikhāī..
dāsīṃ dāsa diē bahutērē. suci sēvaka jē priya siya kērē..
sīya calata byākula purabāsī. hōhiṃ saguna subha maṃgala rāsī..
bhūsura saciva samēta samājā. saṃga calē pahuomcāvana rājā..
samaya bilōki bājanē bājē. ratha gaja bāji barātinha sājē..
dasaratha bipra bōli saba līnhē. dāna māna paripūrana kīnhē..
carana sarōja dhūri dhari sīsā. mudita mahīpati pāi asīsā..
sumiri gajānanu kīnha payānā. maṃgalamūla saguna bhaē nānā..
चौपाई
nṛpa kari binaya mahājana phērē. sādara sakala māganē ṭērē..
bhūṣana basana bāji gaja dīnhē. prēma pōṣi ṭhāḍhaē saba kīnhē..
bāra bāra biridāvali bhāṣī. phirē sakala rāmahi ura rākhī..
bahuri bahuri kōsalapati kahahīṃ. janaku prēmabasa phirai na cahahīṃ..
puni kaha bhūpati bacana suhāē. phiria mahīsa dūri baḍai āē..
rāu bahōri utari bhaē ṭhāḍhaē. prēma prabāha bilōcana bāḍhaē..
taba bidēha bōlē kara jōrī. bacana sanēha sudhāom janu bōrī..
karau kavana bidhi binaya banāī. mahārāja mōhi dīnhi baḍaāī..
