चौपाई
देव पितर पूजे बिधि नीकी। पूजीं सकल बासना जी की।।
सबहिं बंदि मागहिं बरदाना। भाइन्ह सहित राम कल्याना।।
अंतरहित सुर आसिष देहीं। मुदित मातु अंचल भरि लेंहीं।।
भूपति बोलि बराती लीन्हे। जान बसन मनि भूषन दीन्हे।।
आयसु पाइ राखि उर रामहि। मुदित गए सब निज निज धामहि।।
पुर नर नारि सकल पहिराए। घर घर बाजन लगे बधाए।।
जाचक जन जाचहि जोइ जोई। प्रमुदित राउ देहिं सोइ सोई।।
सेवक सकल बजनिआ नाना। पूरन किए दान सनमाना।।
दोहा/सोरठा
देंहिं असीस जोहारि सब गावहिं गुन गन गाथ।
तब गुर भूसुर सहित गृहँ गवनु कीन्ह नरनाथ।।351।।
चौपाई
जो बसिष्ठ अनुसासन दीन्ही। लोक बेद बिधि सादर कीन्ही।।
भूसुर भीर देखि सब रानी। सादर उठीं भाग्य बड़ जानी।।
पाय पखारि सकल अन्हवाए। पूजि भली बिधि भूप जेवाँए।।
आदर दान प्रेम परिपोषे। देत असीस चले मन तोषे।।
बहु बिधि कीन्हि गाधिसुत पूजा। नाथ मोहि सम धन्य न दूजा।।
कीन्हि प्रसंसा भूपति भूरी। रानिन्ह सहित लीन्हि पग धूरी।।
भीतर भवन दीन्ह बर बासु। मन जोगवत रह नृप रनिवासू।।
पूजे गुर पद कमल बहोरी। कीन्हि बिनय उर प्रीति न थोरी।।
दोहा/सोरठा
बधुन्ह समेत कुमार सब रानिन्ह सहित महीसु।
पुनि पुनि बंदत गुर चरन देत असीस मुनीसु।।352।।
चौपाई
dēva pitara pūjē bidhi nīkī. pūjīṃ sakala bāsanā jī kī..
sabahiṃ baṃdi māgahiṃ baradānā. bhāinha sahita rāma kalyānā..
aṃtarahita sura āsiṣa dēhīṃ. mudita mātu aṃcala bhari lēṃhīṃ..
bhūpati bōli barātī līnhē. jāna basana mani bhūṣana dīnhē..
āyasu pāi rākhi ura rāmahi. mudita gaē saba nija nija dhāmahi..
pura nara nāri sakala pahirāē. ghara ghara bājana lagē badhāē..
jācaka jana jācahi jōi jōī. pramudita rāu dēhiṃ sōi sōī..
sēvaka sakala bajaniā nānā. pūrana kiē dāna sanamānā..
चौपाई
jō basiṣṭha anusāsana dīnhī. lōka bēda bidhi sādara kīnhī..
bhūsura bhīra dēkhi saba rānī. sādara uṭhīṃ bhāgya baḍa jānī..
pāya pakhāri sakala anhavāē. pūji bhalī bidhi bhūpa jēvāomē..
ādara dāna prēma paripōṣē. dēta asīsa calē mana tōṣē..
bahu bidhi kīnhi gādhisuta pūjā. nātha mōhi sama dhanya na dūjā..
kīnhi prasaṃsā bhūpati bhūrī. rāninha sahita līnhi paga dhūrī..
bhītara bhavana dīnha bara bāsu. mana jōgavata raha nṛpa ranivāsū..
pūjē gura pada kamala bahōrī. kīnhi binaya ura prīti na thōrī..
