चौपाई
बिनय कीन्हि उर अति अनुरागें। सुत संपदा राखि सब आगें।।
नेगु मागि मुनिनायक लीन्हा। आसिरबादु बहुत बिधि दीन्हा।।
उर धरि रामहि सीय समेता। हरषि कीन्ह गुर गवनु निकेता।।
बिप्रबधू सब भूप बोलाई। चैल चारु भूषन पहिराई।।
बहुरि बोलाइ सुआसिनि लीन्हीं। रुचि बिचारि पहिरावनि दीन्हीं।।
नेगी नेग जोग सब लेहीं। रुचि अनुरुप भूपमनि देहीं।।
प्रिय पाहुने पूज्य जे जाने। भूपति भली भाँति सनमाने।।
देव देखि रघुबीर बिबाहू। बरषि प्रसून प्रसंसि उछाहू।।
दोहा/सोरठा
चले निसान बजाइ सुर निज निज पुर सुख पाइ।
कहत परसपर राम जसु प्रेम न हृदयँ समाइ।।353।।
चौपाई
सब बिधि सबहि समदि नरनाहू। रहा हृदयँ भरि पूरि उछाहू।।
जहँ रनिवासु तहाँ पगु धारे। सहित बहूटिन्ह कुअँर निहारे।।
लिए गोद करि मोद समेता। को कहि सकइ भयउ सुखु जेता।।
बधू सप्रेम गोद बैठारीं। बार बार हियँ हरषि दुलारीं।।
देखि समाजु मुदित रनिवासू। सब कें उर अनंद कियो बासू।।
कहेउ भूप जिमि भयउ बिबाहू। सुनि हरषु होत सब काहू।।
जनक राज गुन सीलु बड़ाई। प्रीति रीति संपदा सुहाई।।
बहुबिधि भूप भाट जिमि बरनी। रानीं सब प्रमुदित सुनि करनी।।
दोहा/सोरठा
सुतन्ह समेत नहाइ नृप बोलि बिप्र गुर ग्याति।
भोजन कीन्ह अनेक बिधि घरी पंच गइ राति।।354।।
चौपाई
binaya kīnhi ura ati anurāgēṃ. suta saṃpadā rākhi saba āgēṃ..
nēgu māgi munināyaka līnhā. āsirabādu bahuta bidhi dīnhā..
ura dhari rāmahi sīya samētā. haraṣi kīnha gura gavanu nikētā..
biprabadhū saba bhūpa bōlāī. caila cāru bhūṣana pahirāī..
bahuri bōlāi suāsini līnhīṃ. ruci bicāri pahirāvani dīnhīṃ..
nēgī nēga jōga saba lēhīṃ. ruci anurupa bhūpamani dēhīṃ..
priya pāhunē pūjya jē jānē. bhūpati bhalī bhāomti sanamānē..
dēva dēkhi raghubīra bibāhū. baraṣi prasūna prasaṃsi uchāhū..
चौपाई
saba bidhi sabahi samadi naranāhū. rahā hṛdayaom bhari pūri uchāhū..
jahaom ranivāsu tahāom pagu dhārē. sahita bahūṭinha kuaomra nihārē..
liē gōda kari mōda samētā. kō kahi sakai bhayau sukhu jētā..
badhū saprēma gōda baiṭhārīṃ. bāra bāra hiyaom haraṣi dulārīṃ..
dēkhi samāju mudita ranivāsū. saba kēṃ ura anaṃda kiyō bāsū..
kahēu bhūpa jimi bhayau bibāhū. suni haraṣu hōta saba kāhū..
janaka rāja guna sīlu baḍaāī. prīti rīti saṃpadā suhāī..
bahubidhi bhūpa bhāṭa jimi baranī. rānīṃ saba pramudita suni karanī..
