चौपाई
मंगलगान करहिं बर भामिनि। भै सुखमूल मनोहर जामिनि।।
अँचइ पान सब काहूँ पाए। स्त्रग सुगंध भूषित छबि छाए।।
रामहि देखि रजायसु पाई। निज निज भवन चले सिर नाई।।
प्रेम प्रमोद बिनोदु बढ़ाई। समउ समाजु मनोहरताई।।
कहि न सकहि सत सारद सेसू। बेद बिरंचि महेस गनेसू।।
सो मै कहौं कवन बिधि बरनी। भूमिनागु सिर धरइ कि धरनी।।
नृप सब भाँति सबहि सनमानी। कहि मृदु बचन बोलाई रानी।।
बधू लरिकनीं पर घर आईं। राखेहु नयन पलक की नाई।।
दोहा/सोरठा
लरिका श्रमित उनीद बस सयन करावहु जाइ।
अस कहि गे बिश्रामगृहँ राम चरन चितु लाइ।।355।।
चौपाई
भूप बचन सुनि सहज सुहाए। जरित कनक मनि पलँग डसाए।।
सुभग सुरभि पय फेन समाना। कोमल कलित सुपेतीं नाना।।
उपबरहन बर बरनि न जाहीं। स्त्रग सुगंध मनिमंदिर माहीं।।
रतनदीप सुठि चारु चँदोवा। कहत न बनइ जान जेहिं जोवा।।
सेज रुचिर रचि रामु उठाए। प्रेम समेत पलँग पौढ़ाए।।
अग्या पुनि पुनि भाइन्ह दीन्ही। निज निज सेज सयन तिन्ह कीन्ही।।
देखि स्याम मृदु मंजुल गाता। कहहिं सप्रेम बचन सब माता।।
मारग जात भयावनि भारी। केहि बिधि तात ताड़का मारी।।
दोहा/सोरठा
घोर निसाचर बिकट भट समर गनहिं नहिं काहु।।
मारे सहित सहाय किमि खल मारीच सुबाहु।।356।।
चौपाई
maṃgalagāna karahiṃ bara bhāmini. bhai sukhamūla manōhara jāmini..
aomcai pāna saba kāhūom pāē. straga sugaṃdha bhūṣita chabi chāē..
rāmahi dēkhi rajāyasu pāī. nija nija bhavana calē sira nāī..
prēma pramōda binōdu baḍhaāī. samau samāju manōharatāī..
kahi na sakahi sata sārada sēsū. bēda biraṃci mahēsa ganēsū..
sō mai kahauṃ kavana bidhi baranī. bhūmināgu sira dharai ki dharanī..
nṛpa saba bhāomti sabahi sanamānī. kahi mṛdu bacana bōlāī rānī..
badhū larikanīṃ para ghara āīṃ. rākhēhu nayana palaka kī nāī..
चौपाई
bhūpa bacana suni sahaja suhāē. jarita kanaka mani palaomga ḍasāē..
subhaga surabhi paya phēna samānā. kōmala kalita supētīṃ nānā..
upabarahana bara barani na jāhīṃ. straga sugaṃdha manimaṃdira māhīṃ..
ratanadīpa suṭhi cāru caomdōvā. kahata na banai jāna jēhiṃ jōvā..
sēja rucira raci rāmu uṭhāē. prēma samēta palaomga pauḍhaāē..
agyā puni puni bhāinha dīnhī. nija nija sēja sayana tinha kīnhī..
dēkhi syāma mṛdu maṃjula gātā. kahahiṃ saprēma bacana saba mātā..
māraga jāta bhayāvani bhārī. kēhi bidhi tāta tāḍakā mārī..
