चौपाई
मुनि प्रसाद बलि तात तुम्हारी। ईस अनेक करवरें टारी।।
मख रखवारी करि दुहुँ भाई। गुरु प्रसाद सब बिद्या पाई।।
मुनितय तरी लगत पग धूरी। कीरति रही भुवन भरि पूरी।।
कमठ पीठि पबि कूट कठोरा। नृप समाज महुँ सिव धनु तोरा।।
बिस्व बिजय जसु जानकि पाई। आए भवन ब्याहि सब भाई।।
सकल अमानुष करम तुम्हारे। केवल कौसिक कृपाँ सुधारे।।
आजु सुफल जग जनमु हमारा। देखि तात बिधुबदन तुम्हारा।।
जे दिन गए तुम्हहि बिनु देखें। ते बिरंचि जनि पारहिं लेखें।।
दोहा/सोरठा
राम प्रतोषीं मातु सब कहि बिनीत बर बैन।
सुमिरि संभु गुर बिप्र पद किए नीदबस नैन।।357।।
चौपाई
नीदउँ बदन सोह सुठि लोना। मनहुँ साँझ सरसीरुह सोना।।
घर घर करहिं जागरन नारीं। देहिं परसपर मंगल गारीं।।
पुरी बिराजति राजति रजनी। रानीं कहहिं बिलोकहु सजनी।।
सुंदर बधुन्ह सासु लै सोई। फनिकन्ह जनु सिरमनि उर गोई।।
प्रात पुनीत काल प्रभु जागे। अरुनचूड़ बर बोलन लागे।।
बंदि मागधन्हि गुनगन गाए। पुरजन द्वार जोहारन आए।।
बंदि बिप्र सुर गुर पितु माता। पाइ असीस मुदित सब भ्राता।।
जननिन्ह सादर बदन निहारे। भूपति संग द्वार पगु धारे।।
दोहा/सोरठा
कीन्ह सौच सब सहज सुचि सरित पुनीत नहाइ।
प्रातक्रिया करि तात पहिं आए चारिउ भाइ।।358।।
चौपाई
muni prasāda bali tāta tumhārī. īsa anēka karavarēṃ ṭārī..
makha rakhavārī kari duhuom bhāī. guru prasāda saba bidyā pāī..
munitaya tarī lagata paga dhūrī. kīrati rahī bhuvana bhari pūrī..
kamaṭha pīṭhi pabi kūṭa kaṭhōrā. nṛpa samāja mahuom siva dhanu tōrā..
bisva bijaya jasu jānaki pāī. āē bhavana byāhi saba bhāī..
sakala amānuṣa karama tumhārē. kēvala kausika kṛpāom sudhārē..
āju suphala jaga janamu hamārā. dēkhi tāta bidhubadana tumhārā..
jē dina gaē tumhahi binu dēkhēṃ. tē biraṃci jani pārahiṃ lēkhēṃ..
चौपाई
nīdauom badana sōha suṭhi lōnā. manahuom sāomjha sarasīruha sōnā..
ghara ghara karahiṃ jāgarana nārīṃ. dēhiṃ parasapara maṃgala gārīṃ..
purī birājati rājati rajanī. rānīṃ kahahiṃ bilōkahu sajanī..
suṃdara badhunha sāsu lai sōī. phanikanha janu siramani ura gōī..
prāta punīta kāla prabhu jāgē. arunacūḍa bara bōlana lāgē..
baṃdi māgadhanhi gunagana gāē. purajana dvāra jōhārana āē..
baṃdi bipra sura gura pitu mātā. pāi asīsa mudita saba bhrātā..
jananinha sādara badana nihārē. bhūpati saṃga dvāra pagu dhārē..
