चौपाई
आरति बिनय दीनता मोरी। लघुता ललित सुबारि न थोरी।।
अदभुत सलिल सुनत गुनकारी। आस पिआस मनोमल हारी।।
राम सुप्रेमहि पोषत पानी। हरत सकल कलि कलुष गलानी।।
भव श्रम सोषक तोषक तोषा। समन दुरित दुख दारिद दोषा।।
काम कोह मद मोह नसावन। बिमल बिबेक बिराग बढ़ावन।।
सादर मज्जन पान किए तें। मिटहिं पाप परिताप हिए तें।।
जिन्ह एहि बारि न मानस धोए। ते कायर कलिकाल बिगोए।।
तृषित निरखि रबि कर भव बारी। फिरिहहि मृग जिमि जीव दुखारी।।
दोहा/सोरठा
मति अनुहारि सुबारि गुन गनि मन अन्हवाइ।
सुमिरि भवानी संकरहि कह कबि कथा सुहाइ।।43(क)।।
अब रघुपति पद पंकरुह हियँ धरि पाइ प्रसाद ।
कहउँ जुगल मुनिबर्ज कर मिलन सुभग संबाद।।43(ख)।।
चौपाई
भरद्वाज मुनि बसहिं प्रयागा। तिन्हहि राम पद अति अनुरागा।।
तापस सम दम दया निधाना। परमारथ पथ परम सुजाना।।
माघ मकरगत रबि जब होई। तीरथपतिहिं आव सब कोई।।
देव दनुज किंनर नर श्रेनी। सादर मज्जहिं सकल त्रिबेनीं।।
पूजहि माधव पद जलजाता। परसि अखय बटु हरषहिं गाता।।
भरद्वाज आश्रम अति पावन। परम रम्य मुनिबर मन भावन।।
तहाँ होइ मुनि रिषय समाजा। जाहिं जे मज्जन तीरथराजा।।
मज्जहिं प्रात समेत उछाहा। कहहिं परसपर हरि गुन गाहा।।
दोहा/सोरठा
ब्रह्म निरूपम धरम बिधि बरनहिं तत्त्व बिभाग।
कहहिं भगति भगवंत कै संजुत ग्यान बिराग।।44।।
चौपाई
ārati binaya dīnatā mōrī. laghutā lalita subāri na thōrī..
adabhuta salila sunata gunakārī. āsa piāsa manōmala hārī..
rāma suprēmahi pōṣata pānī. harata sakala kali kaluṣa galānī..
bhava śrama sōṣaka tōṣaka tōṣā. samana durita dukha dārida dōṣā..
kāma kōha mada mōha nasāvana. bimala bibēka birāga baḍhaāvana..
sādara majjana pāna kiē tēṃ. miṭahiṃ pāpa paritāpa hiē tēṃ..
jinha ēhi bāri na mānasa dhōē. tē kāyara kalikāla bigōē..
tṛṣita nirakhi rabi kara bhava bārī. phirihahi mṛga jimi jīva dukhārī..
दोहा/सोरठा
mati anuhāri subāri guna gani mana anhavāi.
sumiri bhavānī saṃkarahi kaha kabi kathā suhāi..43ka..
aba raghupati pada paṃkaruha hiyaom dhari pāi prasāda .
kahauom jugala munibarja kara milana subhaga saṃbāda..43kha..
चौपाई
bharadvāja muni basahiṃ prayāgā. tinhahi rāma pada ati anurāgā..
tāpasa sama dama dayā nidhānā. paramāratha patha parama sujānā..
māgha makaragata rabi jaba hōī. tīrathapatihiṃ āva saba kōī..
dēva danuja kiṃnara nara śrēnī. sādara majjahiṃ sakala tribēnīṃ..
pūjahi mādhava pada jalajātā. parasi akhaya baṭu haraṣahiṃ gātā..
bharadvāja āśrama ati pāvana. parama ramya munibara mana bhāvana..
tahāom hōi muni riṣaya samājā. jāhiṃ jē majjana tīratharājā..
majjahiṃ prāta samēta uchāhā. kahahiṃ parasapara hari guna gāhā..
