चौपाई
एहि प्रकार भरि माघ नहाहीं। पुनि सब निज निज आश्रम जाहीं।।
प्रति संबत अति होइ अनंदा। मकर मज्जि गवनहिं मुनिबृंदा।।
एक बार भरि मकर नहाए। सब मुनीस आश्रमन्ह सिधाए।।
जगबालिक मुनि परम बिबेकी। भरव्दाज राखे पद टेकी।।
सादर चरन सरोज पखारे। अति पुनीत आसन बैठारे।।
करि पूजा मुनि सुजस बखानी। बोले अति पुनीत मृदु बानी।।
नाथ एक संसउ बड़ मोरें। करगत बेदतत्व सबु तोरें।।
कहत सो मोहि लागत भय लाजा। जौ न कहउँ बड़ होइ अकाजा।।
दोहा/सोरठा
संत कहहि असि नीति प्रभु श्रुति पुरान मुनि गाव।
होइ न बिमल बिबेक उर गुर सन किएँ दुराव।।45।।
चौपाई
अस बिचारि प्रगटउँ निज मोहू। हरहु नाथ करि जन पर छोहू।।
रास नाम कर अमित प्रभावा। संत पुरान उपनिषद गावा।।
संतत जपत संभु अबिनासी। सिव भगवान ग्यान गुन रासी।।
आकर चारि जीव जग अहहीं। कासीं मरत परम पद लहहीं।।
सोपि राम महिमा मुनिराया। सिव उपदेसु करत करि दाया।।
रामु कवन प्रभु पूछउँ तोही। कहिअ बुझाइ कृपानिधि मोही।।
एक राम अवधेस कुमारा। तिन्ह कर चरित बिदित संसारा।।
नारि बिरहँ दुखु लहेउ अपारा। भयहु रोषु रन रावनु मारा।।
दोहा/सोरठा
प्रभु सोइ राम कि अपर कोउ जाहि जपत त्रिपुरारि।
सत्यधाम सर्बग्य तुम्ह कहहु बिबेकु बिचारि।।46।।
चौपाई
ēhi prakāra bhari māgha nahāhīṃ. puni saba nija nija āśrama jāhīṃ..
prati saṃbata ati hōi anaṃdā. makara majji gavanahiṃ munibṛṃdā..
ēka bāra bhari makara nahāē. saba munīsa āśramanha sidhāē..
jagabālika muni parama bibēkī. bharavdāja rākhē pada ṭēkī..
sādara carana sarōja pakhārē. ati punīta āsana baiṭhārē..
kari pūjā muni sujasa bakhānī. bōlē ati punīta mṛdu bānī..
nātha ēka saṃsau baḍa mōrēṃ. karagata bēdatatva sabu tōrēṃ..
kahata sō mōhi lāgata bhaya lājā. jau na kahauom baḍa hōi akājā..
दोहा/सोरठा
saṃta kahahi asi nīti prabhu śruti purāna muni gāva.
hōi na bimala bibēka ura gura sana kiēom durāva..45..
चौपाई
asa bicāri pragaṭauom nija mōhū. harahu nātha kari jana para chōhū..
rāsa nāma kara amita prabhāvā. saṃta purāna upaniṣada gāvā..
saṃtata japata saṃbhu abināsī. siva bhagavāna gyāna guna rāsī..
ākara cāri jīva jaga ahahīṃ. kāsīṃ marata parama pada lahahīṃ..
sōpi rāma mahimā munirāyā. siva upadēsu karata kari dāyā..
rāmu kavana prabhu pūchauom tōhī. kahia bujhāi kṛpānidhi mōhī..
ēka rāma avadhēsa kumārā. tinha kara carita bidita saṃsārā..
nāri birahaom dukhu lahēu apārā. bhayahu rōṣu rana rāvanu mārā..
