चौपाई
जैसे मिटै मोर भ्रम भारी। कहहु सो कथा नाथ बिस्तारी।।
जागबलिक बोले मुसुकाई। तुम्हहि बिदित रघुपति प्रभुताई।।
राममगत तुम्ह मन क्रम बानी। चतुराई तुम्हारी मैं जानी।।
चाहहु सुनै राम गुन गूढ़ा। कीन्हिहु प्रस्न मनहुँ अति मूढ़ा।।
तात सुनहु सादर मनु लाई। कहउँ राम कै कथा सुहाई।।
महामोहु महिषेसु बिसाला। रामकथा कालिका कराला।।
रामकथा ससि किरन समाना। संत चकोर करहिं जेहि पाना।।
ऐसेइ संसय कीन्ह भवानी। महादेव तब कहा बखानी।।
दोहा/सोरठा
कहउँ सो मति अनुहारि अब उमा संभु संबाद।
भयउ समय जेहि हेतु जेहि सुनु मुनि मिटिहि बिषाद।।47।।
चौपाई
एक बार त्रेता जुग माहीं। संभु गए कुंभज रिषि पाहीं।।
संग सती जगजननि भवानी। पूजे रिषि अखिलेस्वर जानी।।
रामकथा मुनीबर्ज बखानी। सुनी महेस परम सुखु मानी।।
रिषि पूछी हरिभगति सुहाई। कही संभु अधिकारी पाई।।
कहत सुनत रघुपति गुन गाथा। कछु दिन तहाँ रहे गिरिनाथा।।
मुनि सन बिदा मागि त्रिपुरारी। चले भवन सँग दच्छकुमारी।।
तेहि अवसर भंजन महिभारा। हरि रघुबंस लीन्ह अवतारा।।
पिता बचन तजि राजु उदासी। दंडक बन बिचरत अबिनासी।।
दोहा/सोरठा
ह्दयँ बिचारत जात हर केहि बिधि दरसनु होइ।
गुप्त रुप अवतरेउ प्रभु गएँ जान सबु कोइ।।48(क)।।
संकर उर अति छोभु सती न जानहिं मरमु सोइ।।
तुलसी दरसन लोभु मन डरु लोचन लालची।।48(ख)।।
चौपाई
jaisē miṭai mōra bhrama bhārī. kahahu sō kathā nātha bistārī..
jāgabalika bōlē musukāī. tumhahi bidita raghupati prabhutāī..
rāmamagata tumha mana krama bānī. caturāī tumhārī maiṃ jānī..
cāhahu sunai rāma guna gūḍhaā. kīnhihu prasna manahuom ati mūḍhaā..
tāta sunahu sādara manu lāī. kahauom rāma kai kathā suhāī..
mahāmōhu mahiṣēsu bisālā. rāmakathā kālikā karālā..
rāmakathā sasi kirana samānā. saṃta cakōra karahiṃ jēhi pānā..
aisēi saṃsaya kīnha bhavānī. mahādēva taba kahā bakhānī..
चौपाई
ēka bāra trētā juga māhīṃ. saṃbhu gaē kuṃbhaja riṣi pāhīṃ..
saṃga satī jagajanani bhavānī. pūjē riṣi akhilēsvara jānī..
rāmakathā munībarja bakhānī. sunī mahēsa parama sukhu mānī..
riṣi pūchī haribhagati suhāī. kahī saṃbhu adhikārī pāī..
kahata sunata raghupati guna gāthā. kachu dina tahāom rahē girināthā..
muni sana bidā māgi tripurārī. calē bhavana saomga dacchakumārī..
tēhi avasara bhaṃjana mahibhārā. hari raghubaṃsa līnha avatārā..
pitā bacana taji rāju udāsī. daṃḍaka bana bicarata abināsī..
