चौपाई
रावन मरन मनुज कर जाचा। प्रभु बिधि बचनु कीन्ह चह साचा।।
जौं नहिं जाउँ रहइ पछितावा। करत बिचारु न बनत बनावा।।
एहि बिधि भए सोचबस ईसा। तेहि समय जाइ दससीसा।।
लीन्ह नीच मारीचहि संगा। भयउ तुरत सोइ कपट कुरंगा।।
करि छलु मूढ़ हरी बैदेही। प्रभु प्रभाउ तस बिदित न तेही।।
मृग बधि बन्धु सहित हरि आए। आश्रमु देखि नयन जल छाए।।
बिरह बिकल नर इव रघुराई। खोजत बिपिन फिरत दोउ भाई।।
कबहूँ जोग बियोग न जाकें। देखा प्रगट बिरह दुख ताकें।।
दोहा/सोरठा
अति विचित्र रघुपति चरित जानहिं परम सुजान।
जे मतिमंद बिमोह बस हृदयँ धरहिं कछु आन।।49।।
चौपाई
संभु समय तेहि रामहि देखा। उपजा हियँ अति हरपु बिसेषा।।
भरि लोचन छबिसिंधु निहारी। कुसमय जानिन कीन्हि चिन्हारी।।
जय सच्चिदानंद जग पावन। अस कहि चलेउ मनोज नसावन।।
चले जात सिव सती समेता। पुनि पुनि पुलकत कृपानिकेता।।
सतीं सो दसा संभु कै देखी। उर उपजा संदेहु बिसेषी।।
संकरु जगतबंद्य जगदीसा। सुर नर मुनि सब नावत सीसा।।
तिन्ह नृपसुतहि नह परनामा। कहि सच्चिदानंद परधमा।।
भए मगन छबि तासु बिलोकी। अजहुँ प्रीति उर रहति न रोकी।।
दोहा/सोरठा
ब्रह्म जो व्यापक बिरज अज अकल अनीह अभेद।
सो कि देह धरि होइ नर जाहि न जानत वेद।। 50।।
चौपाई
rāvana marana manuja kara jācā. prabhu bidhi bacanu kīnha caha sācā..
jauṃ nahiṃ jāuom rahai pachitāvā. karata bicāru na banata banāvā..
ēhi bidhi bhaē sōcabasa īsā. tēhi samaya jāi dasasīsā..
līnha nīca mārīcahi saṃgā. bhayau turata sōi kapaṭa kuraṃgā..
kari chalu mūḍha harī baidēhī. prabhu prabhāu tasa bidita na tēhī..
mṛga badhi bandhu sahita hari āē. āśramu dēkhi nayana jala chāē..
biraha bikala nara iva raghurāī. khōjata bipina phirata dōu bhāī..
kabahūom jōga biyōga na jākēṃ. dēkhā pragaṭa biraha dukha tākēṃ..
चौपाई
saṃbhu samaya tēhi rāmahi dēkhā. upajā hiyaom ati harapu bisēṣā..
bhari lōcana chabisiṃdhu nihārī. kusamaya jānina kīnhi cinhārī..
jaya saccidānaṃda jaga pāvana. asa kahi calēu manōja nasāvana..
calē jāta siva satī samētā. puni puni pulakata kṛpānikētā..
satīṃ sō dasā saṃbhu kai dēkhī. ura upajā saṃdēhu bisēṣī..
saṃkaru jagatabaṃdya jagadīsā. sura nara muni saba nāvata sīsā..
tinha nṛpasutahi naha paranāmā. kahi saccidānaṃda paradhamā..
bhaē magana chabi tāsu bilōkī. ajahuom prīti ura rahati na rōkī..
