चौपाई
बिष्नु जो सुर हित नरतनु धारी। सोउ सर्बग्य जथा त्रिपुरारी।।
खोजइ सो कि अग्य इव नारी। ग्यानधाम श्रीपति असुरारी।।
संभुगिरा पुनि मृषा न होई। सिव सर्बग्य जान सबु कोई।।
अस संसय मन भयउ अपारा। होई न हृदयँ प्रबोध प्रचारा।।
जद्यपि प्रगट न कहेउ भवानी। हर अंतरजामी सब जानी।।
सुनहि सती तव नारि सुभाऊ। संसय अस न धरिअ उर काऊ।।
जासु कथा कुभंज रिषि गाई। भगति जासु मैं मुनिहि सुनाई।।
सोउ मम इष्टदेव रघुबीरा। सेवत जाहि सदा मुनि धीरा।।
चौपाई
जौं तुम्हरें मन अति संदेहू। तौ किन जाइ परीछा लेहू।।
तब लगि बैठ अहउँ बटछाहिं। जब लगि तुम्ह ऐहहु मोहि पाही।।
जैसें जाइ मोह भ्रम भारी। करेहु सो जतनु बिबेक बिचारी।।
चलीं सती सिव आयसु पाई। करहिं बिचारु करौं का भाई।।
इहाँ संभु अस मन अनुमाना। दच्छसुता कहुँ नहिं कल्याना।।
मोरेहु कहें न संसय जाहीं। बिधी बिपरीत भलाई नाहीं।।
होइहि सोइ जो राम रचि राखा। को करि तर्क बढ़ावै साखा।।
अस कहि लगे जपन हरिनामा। गई सती जहँ प्रभु सुखधामा।।
दोहा/सोरठा
पुनि पुनि हृदयँ विचारु करि धरि सीता कर रुप।
आगें होइ चलि पंथ तेहि जेहिं आवत नरभूप।।52।।
चौपाई
biṣnu jō sura hita naratanu dhārī. sōu sarbagya jathā tripurārī..
khōjai sō ki agya iva nārī. gyānadhāma śrīpati asurārī..
saṃbhugirā puni mṛṣā na hōī. siva sarbagya jāna sabu kōī..
asa saṃsaya mana bhayau apārā. hōī na hṛdayaom prabōdha pracārā..
jadyapi pragaṭa na kahēu bhavānī. hara aṃtarajāmī saba jānī..
sunahi satī tava nāri subhāū. saṃsaya asa na dharia ura kāū..
jāsu kathā kubhaṃja riṣi gāī. bhagati jāsu maiṃ munihi sunāī..
sōu mama iṣṭadēva raghubīrā. sēvata jāhi sadā muni dhīrā..
चौपाई
jauṃ tumharēṃ mana ati saṃdēhū. tau kina jāi parīchā lēhū..
taba lagi baiṭha ahauom baṭachāhiṃ. jaba lagi tumha aihahu mōhi pāhī..
jaisēṃ jāi mōha bhrama bhārī. karēhu sō jatanu bibēka bicārī..
calīṃ satī siva āyasu pāī. karahiṃ bicāru karauṃ kā bhāī..
ihāom saṃbhu asa mana anumānā. dacchasutā kahuom nahiṃ kalyānā..
mōrēhu kahēṃ na saṃsaya jāhīṃ. bidhī biparīta bhalāī nāhīṃ..
hōihi sōi jō rāma raci rākhā. kō kari tarka baḍhaāvai sākhā..
asa kahi lagē japana harināmā. gaī satī jahaom prabhu sukhadhāmā..
