चौपाई
लछिमन दीख उमाकृत बेषा चकित भए भ्रम हृदयँ बिसेषा।।
कहि न सकत कछु अति गंभीरा। प्रभु प्रभाउ जानत मतिधीरा।।
सती कपटु जानेउ सुरस्वामी। सबदरसी सब अंतरजामी।।
सुमिरत जाहि मिटइ अग्याना। सोइ सरबग्य रामु भगवाना।।
सती कीन्ह चह तहँहुँ दुराऊ। देखहु नारि सुभाव प्रभाऊ।।
निज माया बलु हृदयँ बखानी। बोले बिहसि रामु मृदु बानी।।
जोरि पानि प्रभु कीन्ह प्रनामू। पिता समेत लीन्ह निज नामू।।
कहेउ बहोरि कहाँ बृषकेतू। बिपिन अकेलि फिरहु केहि हेतू।।
दोहा/सोरठा
राम बचन मृदु गूढ़ सुनि उपजा अति संकोचु।
सती सभीत महेस पहिं चलीं हृदयँ बड़ सोचु।।53।।
चौपाई
मैं संकर कर कहा न माना। निज अग्यानु राम पर आना।।
जाइ उतरु अब देहउँ काहा। उर उपजा अति दारुन दाहा।।
जाना राम सतीं दुखु पावा। निज प्रभाउ कछु प्रगटि जनावा।।
सतीं दीख कौतुकु मग जाता। आगें रामु सहित श्री भ्राता।।
फिरि चितवा पाछें प्रभु देखा। सहित बंधु सिय सुंदर वेषा।।
जहँ चितवहिं तहँ प्रभु आसीना। सेवहिं सिद्ध मुनीस प्रबीना।।
देखे सिव बिधि बिष्नु अनेका। अमित प्रभाउ एक तें एका।।
बंदत चरन करत प्रभु सेवा। बिबिध बेष देखे सब देवा।।
दोहा/सोरठा
सती बिधात्री इंदिरा देखीं अमित अनूप।
जेहिं जेहिं बेष अजादि सुर तेहि तेहि तन अनुरूप।।54।।
चौपाई
lachimana dīkha umākṛta bēṣā cakita bhaē bhrama hṛdayaom bisēṣā..
kahi na sakata kachu ati gaṃbhīrā. prabhu prabhāu jānata matidhīrā..
satī kapaṭu jānēu surasvāmī. sabadarasī saba aṃtarajāmī..
sumirata jāhi miṭai agyānā. sōi sarabagya rāmu bhagavānā..
satī kīnha caha tahaomhuom durāū. dēkhahu nāri subhāva prabhāū..
nija māyā balu hṛdayaom bakhānī. bōlē bihasi rāmu mṛdu bānī..
jōri pāni prabhu kīnha pranāmū. pitā samēta līnha nija nāmū..
kahēu bahōri kahāom bṛṣakētū. bipina akēli phirahu kēhi hētū..
चौपाई
maiṃ saṃkara kara kahā na mānā. nija agyānu rāma para ānā..
jāi utaru aba dēhauom kāhā. ura upajā ati dāruna dāhā..
jānā rāma satīṃ dukhu pāvā. nija prabhāu kachu pragaṭi janāvā..
satīṃ dīkha kautuku maga jātā. āgēṃ rāmu sahita śrī bhrātā..
phiri citavā pāchēṃ prabhu dēkhā. sahita baṃdhu siya suṃdara vēṣā..
jahaom citavahiṃ tahaom prabhu āsīnā. sēvahiṃ siddha munīsa prabīnā..
dēkhē siva bidhi biṣnu anēkā. amita prabhāu ēka tēṃ ēkā..
baṃdata carana karata prabhu sēvā. bibidha bēṣa dēkhē saba dēvā..
