चौपाई
देखे जहँ तहँ रघुपति जेते। सक्तिन्ह सहित सकल सुर तेते।।
जीव चराचर जो संसारा। देखे सकल अनेक प्रकारा।।
पूजहिं प्रभुहि देव बहु बेषा। राम रूप दूसर नहिं देखा।।
अवलोके रघुपति बहुतेरे। सीता सहित न बेष घनेरे।।
सोइ रघुबर सोइ लछिमनु सीता। देखि सती अति भई सभीता।।
हृदय कंप तन सुधि कछु नाहीं। नयन मूदि बैठीं मग माहीं।।
बहुरि बिलोकेउ नयन उघारी। कछु न दीख तहँ दच्छकुमारी।।
पुनि पुनि नाइ राम पद सीसा। चलीं तहाँ जहँ रहे गिरीसा।।
दोहा/सोरठा
गई समीप महेस तब हँसि पूछी कुसलात।
लीन्ही परीछा कवन बिधि कहहु सत्य सब बात।।55।।
चौपाई
सतीं समुझि रघुबीर प्रभाऊ। भय बस सिव सन कीन्ह दुराऊ।।
कछु न परीछा लीन्हि गोसाई। कीन्ह प्रनामु तुम्हारिहि नाई।।
जो तुम्ह कहा सो मृषा न होई। मोरें मन प्रतीति अति सोई।।
तब संकर देखेउ धरि ध्याना। सतीं जो कीन्ह चरित सब जाना।।
बहुरि राममायहि सिरु नावा। प्रेरि सतिहि जेहिं झूँठ कहावा।।
हरि इच्छा भावी बलवाना। हृदयँ बिचारत संभु सुजाना।।
सतीं कीन्ह सीता कर बेषा। सिव उर भयउ बिषाद बिसेषा।।
जौं अब करउँ सती सन प्रीती। मिटइ भगति पथु होइ अनीती।।
दोहा/सोरठा
परम पुनीत न जाइ तजि किएँ प्रेम बड़ पापु।
प्रगटि न कहत महेसु कछु हृदयँ अधिक संतापु।।56।।
चौपाई
dēkhē jahaom tahaom raghupati jētē. saktinha sahita sakala sura tētē..
jīva carācara jō saṃsārā. dēkhē sakala anēka prakārā..
pūjahiṃ prabhuhi dēva bahu bēṣā. rāma rūpa dūsara nahiṃ dēkhā..
avalōkē raghupati bahutērē. sītā sahita na bēṣa ghanērē..
sōi raghubara sōi lachimanu sītā. dēkhi satī ati bhaī sabhītā..
hṛdaya kaṃpa tana sudhi kachu nāhīṃ. nayana mūdi baiṭhīṃ maga māhīṃ..
bahuri bilōkēu nayana ughārī. kachu na dīkha tahaom dacchakumārī..
puni puni nāi rāma pada sīsā. calīṃ tahāom jahaom rahē girīsā..
चौपाई
satīṃ samujhi raghubīra prabhāū. bhaya basa siva sana kīnha durāū..
kachu na parīchā līnhi gōsāī. kīnha pranāmu tumhārihi nāī..
jō tumha kahā sō mṛṣā na hōī. mōrēṃ mana pratīti ati sōī..
taba saṃkara dēkhēu dhari dhyānā. satīṃ jō kīnha carita saba jānā..
bahuri rāmamāyahi siru nāvā. prēri satihi jēhiṃ jhūomṭha kahāvā..
hari icchā bhāvī balavānā. hṛdayaom bicārata saṃbhu sujānā..
satīṃ kīnha sītā kara bēṣā. siva ura bhayau biṣāda bisēṣā..
jauṃ aba karauom satī sana prītī. miṭai bhagati pathu hōi anītī..
