चौपाई
मैं अपनी दिसि कीन्ह निहोरा। तिन्ह निज ओर न लाउब भोरा।।
बायस पलिअहिं अति अनुरागा। होहिं निरामिष कबहुँ कि कागा।।
बंदउँ संत असज्जन चरना। दुखप्रद उभय बीच कछु बरना।।
बिछुरत एक प्रान हरि लेहीं। मिलत एक दुख दारुन देहीं।।
उपजहिं एक संग जग माहीं। जलज जोंक जिमि गुन बिलगाहीं।।
सुधा सुरा सम साधू असाधू। जनक एक जग जलधि अगाधू।।
भल अनभल निज निज करतूती। लहत सुजस अपलोक बिभूती।।
सुधा सुधाकर सुरसरि साधू। गरल अनल कलिमल सरि ब्याधू।।
गुन अवगुन जानत सब कोई। जो जेहि भाव नीक तेहि सोई।।
दोहा/सोरठा
भलो भलाइहि पै लहइ लहइ निचाइहि नीचु।
सुधा सराहिअ अमरताँ गरल सराहिअ मीचु।।5।।
चौपाई
खल अघ अगुन साधू गुन गाहा। उभय अपार उदधि अवगाहा।।
तेहि तें कछु गुन दोष बखाने। संग्रह त्याग न बिनु पहिचाने।।
भलेउ पोच सब बिधि उपजाए। गनि गुन दोष बेद बिलगाए।।
कहहिं बेद इतिहास पुराना। बिधि प्रपंचु गुन अवगुन साना।।
दुख सुख पाप पुन्य दिन राती। साधु असाधु सुजाति कुजाती।।
दानव देव ऊँच अरु नीचू। अमिअ सुजीवनु माहुरु मीचू।।
माया ब्रह्म जीव जगदीसा। लच्छि अलच्छि रंक अवनीसा।।
कासी मग सुरसरि क्रमनासा। मरु मारव महिदेव गवासा।।
सरग नरक अनुराग बिरागा। निगमागम गुन दोष बिभागा।।
दोहा/सोरठा
जड़ चेतन गुन दोषमय बिस्व कीन्ह करतार।
संत हंस गुन गहहिं पय परिहरि बारि बिकार।।6।।
चौपाई
maiṃ apanī disi kīnha nihōrā. tinha nija ōra na lāuba bhōrā..
bāyasa paliahiṃ ati anurāgā. hōhiṃ nirāmiṣa kabahuom ki kāgā..
baṃdauom saṃta asajjana caranā. dukhaprada ubhaya bīca kachu baranā..
bichurata ēka prāna hari lēhīṃ. milata ēka dukha dāruna dēhīṃ..
upajahiṃ ēka saṃga jaga māhīṃ. jalaja jōṃka jimi guna bilagāhīṃ..
sudhā surā sama sādhū asādhū. janaka ēka jaga jaladhi agādhū..
bhala anabhala nija nija karatūtī. lahata sujasa apalōka bibhūtī..
sudhā sudhākara surasari sādhū. garala anala kalimala sari byādhū..
guna avaguna jānata saba kōī. jō jēhi bhāva nīka tēhi sōī..
चौपाई
khala agha aguna sādhū guna gāhā. ubhaya apāra udadhi avagāhā..
tēhi tēṃ kachu guna dōṣa bakhānē. saṃgraha tyāga na binu pahicānē..
bhalēu pōca saba bidhi upajāē. gani guna dōṣa bēda bilagāē..
kahahiṃ bēda itihāsa purānā. bidhi prapaṃcu guna avaguna sānā..
dukha sukha pāpa punya dina rātī. sādhu asādhu sujāti kujātī..
dānava dēva ūomca aru nīcū. amia sujīvanu māhuru mīcū..
māyā brahma jīva jagadīsā. lacchi alacchi raṃka avanīsā..
kāsī maga surasari kramanāsā. maru mārava mahidēva gavāsā..
saraga naraka anurāga birāgā. nigamāgama guna dōṣa bibhāgā..
