चौपाई
पुनि प्रभु कहहु सो तत्व बखानी। जेहिं बिग्यान मगन मुनि ग्यानी।।
भगति ग्यान बिग्यान बिरागा। पुनि सब बरनहु सहित बिभागा।।
औरउ राम रहस्य अनेका। कहहु नाथ अति बिमल बिबेका।।
जो प्रभु मैं पूछा नहि होई। सोउ दयाल राखहु जनि गोई।।
तुम्ह त्रिभुवन गुर बेद बखाना। आन जीव पाँवर का जाना।।
प्रस्न उमा कै सहज सुहाई। छल बिहीन सुनि सिव मन भाई।।
हर हियँ रामचरित सब आए। प्रेम पुलक लोचन जल छाए।।
श्रीरघुनाथ रूप उर आवा। परमानंद अमित सुख पावा।।
दोहा/सोरठा
मगन ध्यानरस दंड जुग पुनि मन बाहेर कीन्ह।
रघुपति चरित महेस तब हरषित बरनै लीन्ह।।111।।
चौपाई
झूठेउ सत्य जाहि बिनु जानें। जिमि भुजंग बिनु रजु पहिचानें।।
जेहि जानें जग जाइ हेराई। जागें जथा सपन भ्रम जाई।।
बंदउँ बालरूप सोई रामू। सब सिधि सुलभ जपत जिसु नामू।।
मंगल भवन अमंगल हारी। द्रवउ सो दसरथ अजिर बिहारी।।
करि प्रनाम रामहि त्रिपुरारी। हरषि सुधा सम गिरा उचारी।।
धन्य धन्य गिरिराजकुमारी। तुम्ह समान नहिं कोउ उपकारी।।
पूँछेहु रघुपति कथा प्रसंगा। सकल लोक जग पावनि गंगा।।
तुम्ह रघुबीर चरन अनुरागी। कीन्हहु प्रस्न जगत हित लागी।।
दोहा/सोरठा
रामकृपा तें पारबति सपनेहुँ तव मन माहिं।
सोक मोह संदेह भ्रम मम बिचार कछु नाहिं।।112।।
चौपाई
puni prabhu kahahu sō tatva bakhānī. jēhiṃ bigyāna magana muni gyānī..
bhagati gyāna bigyāna birāgā. puni saba baranahu sahita bibhāgā..
aurau rāma rahasya anēkā. kahahu nātha ati bimala bibēkā..
jō prabhu maiṃ pūchā nahi hōī. sōu dayāla rākhahu jani gōī..
tumha tribhuvana gura bēda bakhānā. āna jīva pāomvara kā jānā..
prasna umā kai sahaja suhāī. chala bihīna suni siva mana bhāī..
hara hiyaom rāmacarita saba āē. prēma pulaka lōcana jala chāē..
śrīraghunātha rūpa ura āvā. paramānaṃda amita sukha pāvā..
चौपाई
jhūṭhēu satya jāhi binu jānēṃ. jimi bhujaṃga binu raju pahicānēṃ..
jēhi jānēṃ jaga jāi hērāī. jāgēṃ jathā sapana bhrama jāī..
baṃdauom bālarūpa sōī rāmū. saba sidhi sulabha japata jisu nāmū..
maṃgala bhavana amaṃgala hārī. dravau sō dasaratha ajira bihārī..
kari pranāma rāmahi tripurārī. haraṣi sudhā sama girā ucārī..
dhanya dhanya girirājakumārī. tumha samāna nahiṃ kōu upakārī..
pūomchēhu raghupati kathā prasaṃgā. sakala lōka jaga pāvani gaṃgā..
tumha raghubīra carana anurāgī. kīnhahu prasna jagata hita lāgī..
दोहा/सोरठा
rāmakṛpā tēṃ pārabati sapanēhuom tava mana māhiṃ.
sōka mōha saṃdēha bhrama mama bicāra kachu nāhiṃ..112..
