चौपाई
सुनु गिरिजा हरिचरित सुहाए। बिपुल बिसद निगमागम गाए।।
हरि अवतार हेतु जेहि होई। इदमित्थं कहि जाइ न सोई।।
राम अर्तक्य बुद्धि मन बानी। मत हमार अस सुनहि सयानी।।
तदपि संत मुनि बेद पुराना। जस कछु कहहिं स्वमति अनुमाना।।
तस मैं सुमुखि सुनावउँ तोही। समुझि परइ जस कारन मोही।।
जब जब होइ धरम कै हानी। बाढहिं असुर अधम अभिमानी।।
करहिं अनीति जाइ नहिं बरनी। सीदहिं बिप्र धेनु सुर धरनी।।
तब तब प्रभु धरि बिबिध सरीरा। हरहि कृपानिधि सज्जन पीरा।।
दोहा/सोरठा
असुर मारि थापहिं सुरन्ह राखहिं निज श्रुति सेतु।
जग बिस्तारहिं बिसद जस राम जन्म कर हेतु।।121।।
चौपाई
सोइ जस गाइ भगत भव तरहीं। कृपासिंधु जन हित तनु धरहीं।।
राम जनम के हेतु अनेका। परम बिचित्र एक तें एका।।
जनम एक दुइ कहउँ बखानी। सावधान सुनु सुमति भवानी।।
द्वारपाल हरि के प्रिय दोऊ। जय अरु बिजय जान सब कोऊ।।
बिप्र श्राप तें दूनउ भाई। तामस असुर देह तिन्ह पाई।।
कनककसिपु अरु हाटक लोचन। जगत बिदित सुरपति मद मोचन।।
बिजई समर बीर बिख्याता। धरि बराह बपु एक निपाता।।
होइ नरहरि दूसर पुनि मारा। जन प्रहलाद सुजस बिस्तारा।।
दोहा/सोरठा
भए निसाचर जाइ तेइ महाबीर बलवान।
कुंभकरन रावण सुभट सुर बिजई जग जान।।122 ।
चौपाई
sunu girijā haricarita suhāē. bipula bisada nigamāgama gāē..
hari avatāra hētu jēhi hōī. idamitthaṃ kahi jāi na sōī..
rāma artakya buddhi mana bānī. mata hamāra asa sunahi sayānī..
tadapi saṃta muni bēda purānā. jasa kachu kahahiṃ svamati anumānā..
tasa maiṃ sumukhi sunāvauom tōhī. samujhi parai jasa kārana mōhī..
jaba jaba hōi dharama kai hānī. bāḍhahiṃ asura adhama abhimānī..
karahiṃ anīti jāi nahiṃ baranī. sīdahiṃ bipra dhēnu sura dharanī..
taba taba prabhu dhari bibidha sarīrā. harahi kṛpānidhi sajjana pīrā..
चौपाई
sōi jasa gāi bhagata bhava tarahīṃ. kṛpāsiṃdhu jana hita tanu dharahīṃ..
rāma janama kē hētu anēkā. parama bicitra ēka tēṃ ēkā..
janama ēka dui kahauom bakhānī. sāvadhāna sunu sumati bhavānī..
dvārapāla hari kē priya dōū. jaya aru bijaya jāna saba kōū..
bipra śrāpa tēṃ dūnau bhāī. tāmasa asura dēha tinha pāī..
kanakakasipu aru hāṭaka lōcana. jagata bidita surapati mada mōcana..
bijaī samara bīra bikhyātā. dhari barāha bapu ēka nipātā..
hōi narahari dūsara puni mārā. jana prahalāda sujasa bistārā..
