चौपाई
मुकुत न भए हते भगवाना। तीनि जनम द्विज बचन प्रवाना।।
एक बार तिन्ह के हित लागी। धरेउ सरीर भगत अनुरागी।।
कस्यप अदिति तहाँ पितु माता। दसरथ कौसल्या बिख्याता।।
एक कलप एहि बिधि अवतारा। चरित्र पवित्र किए संसारा।।
एक कलप सुर देखि दुखारे। समर जलंधर सन सब हारे।।
संभु कीन्ह संग्राम अपारा। दनुज महाबल मरइ न मारा।।
परम सती असुराधिप नारी। तेहि बल ताहि न जितहिं पुरारी।।
दोहा/सोरठा
छल करि टारेउ तासु ब्रत प्रभु सुर कारज कीन्ह।।
जब तेहि जानेउ मरम तब श्राप कोप करि दीन्ह।।123।।
चौपाई
तासु श्राप हरि दीन्ह प्रमाना। कौतुकनिधि कृपाल भगवाना।।
तहाँ जलंधर रावन भयऊ। रन हति राम परम पद दयऊ।।
एक जनम कर कारन एहा। जेहि लागि राम धरी नरदेहा।।
प्रति अवतार कथा प्रभु केरी। सुनु मुनि बरनी कबिन्ह घनेरी।।
नारद श्राप दीन्ह एक बारा। कलप एक तेहि लगि अवतारा।।
गिरिजा चकित भई सुनि बानी। नारद बिष्नुभगत पुनि ग्यानि।।
कारन कवन श्राप मुनि दीन्हा। का अपराध रमापति कीन्हा।।
यह प्रसंग मोहि कहहु पुरारी। मुनि मन मोह आचरज भारी।।
दोहा/सोरठा
बोले बिहसि महेस तब ग्यानी मूढ़ न कोइ।
जेहि जस रघुपति करहिं जब सो तस तेहि छन होइ।।124(क)।।
कहउँ राम गुन गाथ भरद्वाज सादर सुनहु।
भव भंजन रघुनाथ भजु तुलसी तजि मान मद।।124(ख)।।
चौपाई
mukuta na bhaē hatē bhagavānā. tīni janama dvija bacana pravānā..
ēka bāra tinha kē hita lāgī. dharēu sarīra bhagata anurāgī..
kasyapa aditi tahāom pitu mātā. dasaratha kausalyā bikhyātā..
ēka kalapa ēhi bidhi avatārā. caritra pavitra kiē saṃsārā..
ēka kalapa sura dēkhi dukhārē. samara jalaṃdhara sana saba hārē..
saṃbhu kīnha saṃgrāma apārā. danuja mahābala marai na mārā..
parama satī asurādhipa nārī. tēhi bala tāhi na jitahiṃ purārī..
चौपाई
tāsu śrāpa hari dīnha pramānā. kautukanidhi kṛpāla bhagavānā..
tahāom jalaṃdhara rāvana bhayaū. rana hati rāma parama pada dayaū..
ēka janama kara kārana ēhā. jēhi lāgi rāma dharī naradēhā..
prati avatāra kathā prabhu kērī. sunu muni baranī kabinha ghanērī..
nārada śrāpa dīnha ēka bārā. kalapa ēka tēhi lagi avatārā..
girijā cakita bhaī suni bānī. nārada biṣnubhagata puni gyāni..
kārana kavana śrāpa muni dīnhā. kā aparādha ramāpati kīnhā..
yaha prasaṃga mōhi kahahu purārī. muni mana mōha ācaraja bhārī..
